Iz Witnesses Fo Jehovah Christians?

Yup, we Christians. Dis how come:

• We try fo copy da way Jesus teach an ack.​—1 Peter 2:21.

• We believe dat Jesus goin save us cuz da scripcha tell dat “No mo nobody in da whole world dat we gotta stay tight wit fo him take us outa da bad kine stuff we stay do. God give us ony Jesus fo do dat.”​—Jesus Guys 4:12.

• Wen people come Witnesses Fo Jehovah, dey gotta get baptized in Jesus name.​—Matthew 28:18, 19.

• We pray to God in Jesus’ name.​—John 15:16.

• We believe dat God wen give Jesus da powa fo be in charge ova erybody.​—1 Fo Da Corint Peopo 11:3.

Still yet, we not da same az ery odda religion out dea dat say dey Christian. Fo exampo, we believe da Bible teach dat Jesus iz God’s boy an he not part of one trinity. (Mark 12:29) We no believe dat afta somebody mahke da soul keep on living. An da Bible no say notting bout how God torture people in hell foeva or dat da religious leada guys should get titles fo make jalike dey moa importan den oddas.​—Da Teacha 9:5; Ezekiel 18:4; Matthew 23:8-10.