Help Each Odda Come “Mo Strong An Mo Solid”

We stoked fo hang out wit oua braddahs an sistahs. But fo build each odda up, take moa den jus being togedda. Da Bible tell us fo give each odda good kine words fo make oua trus moa strong. (Rome 1:11, 12) How we can do dat?

Build up oddas by wat you say. Like wen you ansa at da meetings, no talk too much about yoaself. Moa betta focus on Jehovah, da Bible, an yoa braddahs an sistahs. An wen we talking story wit each odda, we like talk about good tings.

Build up oddas by wat you do. Some guys keep serving Jehovah full time, even tho iz hahd. An odda guys stay regula at da meetings even tho dey get bad healt or dey tired cuz dey gotta work plenny. All dis iz supa encouraging.

You encourage yoa braddahs an sistahs by wat you say an do? An you see wat dey say an do fo encourage you?