Սաղմոսներ

 2 Եհովան իմ վեմն է, իմ ամրոցն ու իմ Ազատարարը+։

Իմ Աստվածը իմ ժայռն է։ Նրա մոտ ես ապաստան կգտնեմ+։

Իմ վահանն է նա, իմ փրկության եղջյուրն ու իմ ապահով բարձունքը+։

 3 Կկանչեմ Եհովային՝ Նրան, ով արժանի է գովաբանության+,

Եվ իմ թշնամիներից ես կփրկվեմ+։

 4 Մահվան պարանները օղակեցին ինձ+,

Անպիտան մարդկանց հեղեղները սարսափեցնում էին ինձ+։

 5 Գերեզմանի* կապանքները շրջապատեցին ինձ+,

Մահվան որոգայթներն իմ դեմ դուրս եկան+։

 6 Իմ նեղության մեջ ես Եհովային կանչեցի

Եվ օգնության համար իմ Աստծուն աղաղակեցի+։

Իր տաճարից նա լսեց իմ ձայնը+,

Եվ նրան ուղղված օգնության աղաղակս նրա ականջին հասավ+։

 7 Այդ ժամանակ երկիրը ցնցվեց ու դողաց+,

Լեռների հիմքերը շարժվեցին+

Ու ցնցվեցին, որովհետև նա բարկացավ+։

 8 Նրա քթից ծուխ բարձրացավ, և լափող կրակ՝ նրա բերանից+,

Բոցավառ ածուխներ ցրիվ եկան նրանից։

 9 Նա խոնարհեցրեց երկինքը ու վայր իջավ+։

Թանձր խավար էր նրա ոտքերի տակ։

10 Նա հեծավ մի քերովբեի ու թռավ+

Եվ սլացավ ոգու թևերի* վրա+։

11 Ապա խավարը իր համար ծածկույթ դարձրեց+,

Եվ մուգ ջրերն ու թանձր ամպերը

Նրա շուրջը որպես տաղավար եղան+։

12 Փայլատակումից նրա առջևից իր ամպերն անցան+,

Կարկուտ ու այրվող ածուխներ տեղացին+։

13 Եվ երկնքում Եհովան որոտաց+,

Բարձրյալը իր ձայնն արձակեց+,

Կարկուտ ու այրվող ածուխներ տեղացին։

14 Նա իր նետերն ուղարկեց, որ ցրի նրանց+.

Եվ շանթեր արձակեց, որ շփոթության մեջ գցի+։

15 Ջրերի հատակը երևաց+,

Եվ երկրի հիմքերը բացվեցին+

Քո սաստելուց, ո՛վ Եհովա, քո ռունգերից դուրս եկող ահեղ շնչից+։

16 Բարձունքից նա մեկնեց իր ձեռքը և բռնեց ինձ+,

Խոր ջրերից+ ինձ դուրս հանեց։

17 Նա ազատեց ինձ իմ զորեղ թշնամուց+

Եվ ինձ ատողներից, որոնք ինձանից ուժեղ էին+։

18 Իմ նեղության օրը նրանք իմ դեմ դուրս եկան+,

Սակայն Եհովան ինձ համար հենարան եղավ+։

19 Նա ինձ մի լայնարձակ տեղ հանեց+

Եվ փրկեց, որովհետև ինձ հավանեց+։

20 Եհովան իմ արդարության համեմատ վարձատրում է ինձ+

Եվ իմ ձեռքերի մաքրության համեմատ հատուցում է ինձ+,

21 Որովհետև ես պահեցի Եհովայի ճանապարհները+

Եվ իմ Աստծուց ամբարշտությամբ չհեռացա+,

22 Որովհետև նրա բոլոր դատավճիռներն իմ առջևում են+,

Նրա կանոնները չեմ հեռացնի ինձանից+։

23 Նրա առջև ես անարատ կլինեմ+

Եվ անօրենություն գործելուց կզգուշանամ+։

24 Թող Եհովան հատուցի ինձ՝ ըստ իմ արդարության+,

Ըստ իմ ձեռքերի մաքրության՝ իր աչքերի առաջ+։

25 Նվիրվածի հետ դու նվիրվածությամբ ես վարվում+,

Անարատ մարդու հետ՝ անարատությամբ+,

26 Մաքուրի հետ մաքուր ես լինում+,

Բայց խարդախ մարդու հետ վարվում ես իր խարդախության համեմատ+։

27 Ընկճված մարդկանց դու փրկում ես+,

Բայց ամբարտավան աչքերը խոնարհեցնում ես+։

28 Դո՛ւ ես իմ ճրագը վառում, ո՛վ Եհովա+,

Իմ Աստվածն է լուսավորում իմ խավարը+։

29 Քո օգնությամբ ես կարող եմ հրոսակախմբին ընդդեմ վազել+,

Իմ Աստծու օգնությամբ կարող եմ պարիսպ մագլցել+։

30 Ճշմարիտ Աստծու ճանապարհը կատարյալ է+,

Եհովայի խոսքը զտված է+։

Նա վահան է բոլոր նրանց համար, ովքեր իր մոտ ապաստան են գտնում+։

31 Ո՞վ է Աստված, Եհովայից բացի+,

Կամ ո՞վ է վեմ, մեր Աստծուց բացի+։

32 Ճշմարիտ Աստվածն է, որ զորությամբ գոտեպնդում է ինձ+

Եվ իմ ճանապարհը կատարյալ դարձնում+,

33 Ոտքերս եղնիկի ոտքերի պես է անում+

Եվ ինձ բարձունքների վրա է կանգնեցնում+։

34 Ձեռքերս պատերազմի է վարժեցնում+,

Եվ բազուկներս պղնձե աղեղ են ծռում+։

35 Դու կտաս ինձ քո փրկության վահանը+,

Քո աջ ձեռքը կհաստատի ինձ+,

Եվ քո խոնարհությունը կբարձրացնի ինձ+։

36 Դու կընդարձակես ճանապարհը իմ քայլերի համար+,

Եվ ոտքերս բնավ չեն երերա+։

37 Թշնամիներիս կհետապնդեմ ու կհասնեմ

Եվ հետ չեմ դառնա, մինչև որ բնաջինջ չլինեն նրանք+։

38 Ես կկոտորեմ նրանց, որ այլևս չկարողանան վեր կենալ+,

Ու նրանք կընկնեն իմ ոտքերի տակ+։

39 Դու ինձ զորությամբ կգոտեպնդես պատերազմի համար,

Իմ դեմ ելնողներին ոտքերիս տակ կգցես+։

40 Դու այնպես կանես, որ իմ թշնամիները թիկունք դարձնեն ու փախչեն*+,

Եվ ինձ ատողներին ես կլռեցնեմ+։

41 Նրանք աղաղակում են օգնության համար, բայց փրկող չկա+,

Եհովային են կանչում, բայց նա պատասխան չի տալիս+։

42 Ես կփշրեմ նրանց, ինչպես փոշին՝ քամու առաջ+,

Փողոցների ցեխի պես կթափեմ նրանց+։

43 Դու կազատես ինձ ժողովրդի պարսավանքից+,

Ազգերի գլուխ կնշանակես ինձ+։

Ժողովուրդը, որին ես չէի ճանաչում, կծառայի ինձ+։

44 Իմ մասին լսելով՝ նրանք կհնազանդվեն ինձ+,

Օտարականները քծնելով ինձ մոտ կգան+։

45 Օտարականները կթառամեն

Եվ դողալով դուրս կգան իրենց ապաստարաններից+։

46 Կենդանի է Եհովան+։ Թող օրհնյալ լինի իմ Վեմը+,

Եվ թող մեծարվի իմ փրկության Աստվածը+։

47 Ճշմարիտ Աստվածն ինձ համար վրեժխնդիր է լինում+

Եվ ժողովուրդներին ինձ է հպատակեցնում+։

48 Նա ինձ փրկում է իմ զայրացած թշնամիներից+։

Դու կբարձրացնես ինձ իմ դեմ ելնողներից+,

Եվ բռնի մարդուց դու ինձ կազատես+։

49 Դրա համար ես կգովեմ քեզ ազգերի մեջ, ո՛վ Եհովա+,

Եվ քո անվանը սաղմոս կերգեմ+։

50 Նա մեծ գործեր է անում իր թագավորին փրկելու համար+

Եվ սիրառատ բարություն է դրսևորում իր օծյալի+՝

Դավթի ու նրա սերնդի հանդեպ հավիտյան+։