Սաղմոսներ

88 Ո՜վ Եհովա, իմ փրկությա՛ն Աստված+,

Ցերեկը ես աղաղակում էի+

Նույնպես և գիշերը՝ քո դիմաց+։

 2 Աղոթքս քո առաջ կգա+։

Խոնարհեցրո՛ւ ականջդ իմ աղերսանքին+,

 3 Որովհետև հոգիս լցվել է չարիքներով+,

Եվ կյանքս գերեզմանին* է մոտեցել+։

 4 Փոսի մեջ իջնողների հետ համարվեցի+,

Դարձա ինչպես մի մարդ, որ ուժ չունի+,

 5 Ազատվեցի, ինչպես մահացածները+,

Ինչպես սպանվածները՝ գերեզմանների մեջ պառկած+,

Որոնց դու այլևս չես հիշում

Եվ որոնք կտրված են քո օգնության ձեռքից+։

 6 Դու ինձ ամենախորունկ փոսի մեջ դրիր,

Խավար տեղերում, մեծ անդունդի մեջ+։

 7 Զայրույթդ ինձ վրա է թափվել+,

Եվ քո բոլոր ալիքներով հարվածում ես ինձ+։ (Սելա)

 8 Իմ ծանոթներին դու հեռացրիր ինձանից+,

Ինձ գարշելի դարձրիր նրանց համար+։

Ես փակի տակ եմ և չեմ կարող դուրս գալ+։

 9 Աչքս տկարացել է տառապանքներիս պատճառով+։

Օրնիբուն ես քեզ եմ կանչում, ո՛վ Եհովա+,

Դեպի քեզ եմ տարածում իմ ձեռքերը+։

10 Մի՞թե մեռելների համար հրաշագործություն ես անելու+։

Կամ մի՞թե անզոր մեռելները վեր են կենալու+

Ու գովերգելու են քեզ+։ (Սելա)

11 Մի՞թե գերեզմանում պատմվելու է քո սիրառատ բարության մասին

Եվ քո հավատարմության մասին՝ կորստի վայրում+։

12 Մի՞թե խավարի մեջ ճանաչվելու են քո հրաշագործությունները+,

Կամ քո արդարությունը՝ մոռացության երկրում+։

13 Բայց ես քեզ եմ օգնության կանչում, ո՛վ Եհովա+,

Եվ առավոտյան իմ աղոթքը քեզ մոտ է գալիս+։

14 Ինչո՞ւ ես, ո՛վ Եհովա, մերժում իմ հոգին+։

Ինչո՞ւ ես երեսդ ծածկում ինձանից+։

15 Մանկությունից ի վեր ես ճնշված եմ և մեռնելու վրա եմ+։

Զարհուրելի շատ բաներ կրեցի քեզանից+։

16 Քո բորբոքված բարկության կայծերը իմ վրայով անցան+,

Քեզանից եկող արհավիրքները լռեցրին ինձ+։

17 Ջրերի պես ողջ օրը դրանք շրջապատում էին ինձ+՝

Միաժամանակ ամեն կողմից ինձ պաշարելով։

18 Դու հեռացրիր ինձանից իմ ընկերոջն ու ծանոթին+.

Խավարն է իմ միակ ընկերը+։