Դավթի երգը։
29 Տվե՛ք Եհովային, ո՛վ դուք զորավորների որդիներ,
Տվե՛ք Եհովային փառք ու ճանաչե՛ք նրա զորությունը+։
2 Տվե՛ք Եհովային նրա անվան փառքը+։
Խոնարհվե՛ք Եհովայի առաջ սրբության զարդարանքով+։
3 Եհովայի ձայնը ջրերի վրա է+.
Փառավոր Աստվածը+ որոտում է+։
Եհովան շատ ջրերի վրա է+։
4 Եհովայի ձայնը հզոր է+,
Եհովայի ձայնը փառահեղ է+։
5 Եհովայի ձայնը կոտրում է մայրիները,
Այո՛, Եհովան Լիբանանի մայրիները կոտրատում է+։
6 Նրանց հորթերի պես ցատկել է տալիս+,
Լիբանանին ու Սարիոնին+՝ ինչպես վայրի ցլի ձագերի։
7 Եհովայի ձայնը ճեղքում է կրակի բոցերով+։
8 Եհովայի ձայնից անապատը կուչ է գալիս+,
Եհովան Կադեսի+ անապատին կուչ գալ է տալիս։
9 Եհովայի ձայնը եղնիկին երկունքի ցավերի մեջ է գցում+
Եվ անտառներ է մերկացնում+։
Նրա տաճարում ամեն ոք գոչում է. «Փա՛ռք»+։
10 Եհովան ջրհեղեղի վրա է նստում+.
Եհովան, որպես թագավոր, նստում է հավիտյան+։
11 Եհովան զորություն կտա իր ժողովրդին+։
Եհովան կօրհնի իր ժողովրդին խաղաղությամբ+։