Սաղմոսներ

9 Իմ ամբողջ սրտով կգովաբանեմ քեզ, ո՜վ Եհովա+,

Կազդարարեմ քո բոլոր զարմանահրաշ գործերի մասին+։

 2 Կուրախանամ ու կցնծամ քեզանով+,

Սաղմոս կերգեմ քո անվանը, ո՜վ Բարձրյալ+։

 3 Երբ թշնամիներս հետ դառնան+,

Նրանք կսայթաքեն ու կորստյան կմատնվեն քո առաջ+։

 4 Որովհետև դու տեսար իմ դատը և արդար վճիռ կայացրիր+,

Դու նստեցիր գահին, որ արդարությամբ դատես+։

 5 Դու սաստեցիր ազգերին+, կործանեցիր ամբարշտին+։

Նրանց անունը ընդմիշտ ջնջեցիր, այո՛, հավիտյան+։

 6 Ո՛վ թշնամիներ, ձեր կործանումը հավերժական է+,

Եվ կործանումը այն քաղաքների, որոնց դու արմատախիլ արեցիր+։

Նույնիսկ նրանց մասին հիշատակումը կկորչի+։

 7 Սակայն Եհովան հավիտյան կնստի գահին+,

Իր գահը ամուր կհաստատի դատաստանի համար+։

 8 Նա աշխարհը արդարությամբ կդատի+,

Ազգերի հետ ուղղամտությամբ դատաստան կանի+։

 9 Եհովան ապահով բարձունք կդառնա փշրվածի համար+,

Ապահով բարձունք՝ նեղության ժամանակներում+։

10 Քո անունը ճանաչողները կապավինեն քեզ+.

Որովհետև դու չես լքի նրանց, ովքեր փնտրում են քեզ, ո՛վ Եհովա+։

11 Երգե՛ք Եհովային, որ բնակվում է Սիոնում+,

Պատմե՛ք նրա գործերը ժողովուրդների մեջ+։

12 Արյուն թափողներին փնտրելիս+ նա կհիշի ընկճվածներին+,

Նա ոչ մի դեպքում չի մոռանա նրանց աղաղակը+։

13 Բարեհա՛ճ եղիր իմ նկատմամբ, ո՛վ Եհովա. տե՛ս, թե ինչպես եմ տառապում ինձ ատողների պատճառով+,

Դու, որ մահվան դռներից բարձրացնում ես ինձ+,

14 Որպեսզի գովեստի արժանի քո բոլոր գործերի մասին ազդարարեմ+

Սիոնի դստեր+ դռների մոտ+,

Որպեսզի ուրախանամ քո տված փրկությամբ+։

15 Ազգերն ընկան այն փոսի մեջ, որն իրենք էին փորել+։

Իրենց թաքցրած ցանցի+ մեջ իրենց իսկ ոտքը բռնվեց+։

16 Եհովան հայտնի է այն դատաստանով, որն իրագործեց+։

Ամբարիշտն իր իսկ ձեռքի գործերով որոգայթն ընկավ+։

Հիգգայոն*։ (Սելա)

י [Յոդ]

17 Ամբարիշտները+ կգնան գերեզման*+,

Եվ բոլոր ազգերը, որոնք մոռացել են Աստծուն+։

18 Աղքատը հավերժ չի մոռացվի+,

Եվ հեզերի հույսը երբեք չի կորչի+։

19 Վե՛ր կաց, ո՛վ Եհովա։ Թող մահկանացու մարդը ավելի զորավոր չլինի+։

Թող ազգերը դատվեն քո երեսի առաջ+։

20 Վախո՛վ լցրու նրանց, ո՛վ Եհովա+,

Որպեսզի ազգերն իմանան, որ իրենք ընդամենը մարդիկ են+։ (Սելա)