Սաղմոսներ

 2 Իսկ իմ ոտքերը գրեթե շեղվել էին ճանապարհից+,

Քիչ էր մնում քայլերս սայթաքեին+,

 3 Որովհետև ես նախանձեցի պարծենկոտներին+,

Երբ ամբարիշտների խաղաղությունը տեսա+,

 4 Որովհետև նրանք մահանալիս էլ ցավ չունեն+,

Եվ նրանց փորը ճարպակալած է+։

 5 Նրանք մյուս մարդկանց պես նեղություն չեն քաշում+

Եվ ուրիշների պես թշվառության մեջ չեն+։

 6 Այդ պատճառով էլ ամբարտավանությունը նրանց համար վզնոցի պես է+,

Եվ բռնությունը ծածկում է նրանց իբրև հանդերձ+։

 7 Նրանց աչքերը գիրությունից դուրս են պրծել+,

Նրանք իրենց սրտի երևակայությունից էլ այն կողմ են անցնում+։

 8 Նրանք ծաղրում են և չար բաներ խոսում+,

Հպարտությամբ են խոսում խաբեության մասին+։

 9 Իրենց շուրթերը երկնքին են հասցնում+,

Իսկ նրանց լեզուն քայլում է երկրի վրա+։

10 Դրա համար նա ժողովրդին հետ է բերում այստեղ,

Եվ առատությամբ ջրեր են լցվում նրանց համար։

11 Նրանք ասում են. «Աստված ինչպե՞ս կարող է իմանալ+։

Կա՞ արդյոք իմացություն Բարձրյալի մոտ»+։

12 Ահա սրանք են ամբարիշտները, որոնք երբեք ոչ մի անհանգստություն չունեն+։

Նրանք ավելացնում են իրենց ունեցվածքը+։

13 Իրոք որ իմ սիրտը զուր տեղն եմ մաքրում+

Եվ ձեռքերս անմեղությամբ լվանում+։

14 Ես թշվառության մեջ եմ ամեն օր+

Եվ խրատ եմ ստանում ամեն առավոտ+։

15 Եթե ասեի, թե՝ «ես էլ եմ այդպես խոսելու»,

Քո որդիների սերնդի դեմ

Անհավատարմություն գործած կլինեի+։

16 Ես խորհրդածեցի, որ հասկանամ այս+,

Սակայն դժվար էր իմ աչքերի առաջ,

17 Մինչև որ մտա Աստծու վեհապանծ սրբարանը+։

Ես ցանկացա իմանալ նրանց ապագան+։

18 Արդարև, դու նրանց սայթաքուն տեղ ես կանգնեցնում+։

Դու նրանց կործանման ես մատնում+։

19 Ինչպիսի՜ ահարկու տեսարան են նրանք դառնում մեկ ակնթարթում+։

Ինչպե՜ս են նրանք հասնում իրենց վախճանին, կործանվում հանկարծահաս աղետից։

20 Ինչպես երազն է մոռացվում զարթնելուց հետո, ո՛վ Եհովա+,

Այնպես էլ դու ես արհամարհելու նրանց, երբ վեր կենաս+,

21 Որովհետև սիրտս դառնացած էր+,

Եվ երիկամներումս սուր ցավ կար+։

22 Ես անխոհեմ էի ու անտեղյակ+,

Քո աչքին անասունի պես դարձա+։

23 Բայց ես միշտ քեզ հետ եմ+։

Դու բռնում ես իմ աջ ձեռքից+։

24 Քո խորհրդով դու կառաջնորդես ինձ+

Եվ հետո ինձ փառքի կարժանացնես+։

25 Ո՞ւմ ունեմ ինձ համար երկնքում+։

Քեզանից բացի, ուրիշ ուրախություն չունեմ երկրի վրա+։

26 Մարմինս ու սիրտս նվաղել են+։

Աստված իմ սրտի վեմն է և իմ բաժինն է հավիտյան+։

27 Ահա քեզանից հեռացողները կվերանան+,

Դու կկործանես բոլոր նրանց, ովքեր քո դեմ շնություն գործելով՝ թողնում են քեզ+։

28 Բայց ինձ համար բարի է Աստծուն մոտենալը+։

Գերիշխան Տեր Եհովային իմ ապավենն եմ դարձրել+,

Որպեսզի հռչակեմ նրա բոլոր գործերի մասին+։