Սաղմոսներ

45 Սիրտս հուզված է բարի բանից+։

Ես ասում եմ. «Գործերս թագավորի մասին են»+։

Լեզուս թող հմուտ գրագրի+ գրչի պես լինի+։

 2 Դու ավելի գեղեցիկ ես, քան մարդկանց որդիները+,

Հմայք է թափված շուրթերիդ վրա+։

Ահա թե ինչու Աստված օրհնել է քեզ հավիտյան+։

 3 Սուրդ+ մեջքի՛դ կապիր, ո՛վ հզոր+՝

Քո վեհությամբ ու շքեղությամբ+։

 4 Հաջողությա՛ն հասիր քո շքեղությամբ+,

Ձի՛ հեծիր հանուն ճշմարտության, խոնարհության և արդարության+,

Եվ քո աջ ձեռքը քեզ ահազդու բաներ կսովորեցնի+։

 5 Սուր են քո նետերը և թագավորի թշնամիների սրտի մեջ են մխրճված+։

Ժողովուրդները քո տակն են ընկնում+։

 6 Աստված քո գահն է դարեդար, նույնիսկ հավիտյան+։

Քո թագավորության գավազանը արդարության գավազան է+։

 7 Դու սիրում ես արդարությունը+ և ատում ես ամբարշտությունը+։

Այդ պատճառով Աստված՝ քո Աստվածը+, օծել է+ քեզ ցնծության+ յուղով առավել, քան քո ընկերներին+։

 8 Քո բոլոր հանդերձները զմուռս են, հալվե և կասիա*+։

Փղոսկրազարդ+ շքեղ պալատից լսվող լարային նվագարանների երաժշտությունը ուրախացնում է քեզ։

 9 Թագավորների դուստրերը+ քո թանկագին կանանց մեջ են,

Եվ թագուհին+՝ Օֆիրի ոսկով+ զարդարված, քո աջ կողմում է կանգնած։

10 Լսի՛ր, ո՛վ դուստր, և տե՛ս, խոնարհի՛ր քո ականջը,

Մոռացի՛ր քո ժողովրդին ու քո հայրական տունը+,

11 Եվ թագավորը կփափագի քո գեղեցկությունը+,

Որովհետև նա քո տերն է+.

Ուստի խոնարհվի՛ր նրա առաջ+։

12 Ահա և Տյուրոսի դուստրը իր նվերով+...

Ժողովրդի հարուստները քո հավանությունը կփնտրեն*+։

13 Տան մեջ թագավորի դուստրը իր ողջ փառահեղությամբ է+,

Նրա զգեստը ոսկե թելով է հյուսված։

14 Ասեղնագործված զգեստով նա թագավորի մոտ կբերվի+։

Նրա հետևից եկող կույս ընկերուհիները ներս կբերվեն քեզ մոտ+։

15 Նրանք կբերվեն ուրախությամբ ու ցնծությամբ

Եվ թագավորի պալատը կմտնեն։

16 Քո նախահայրերի+ տեղը քո որդիները կլինեն+,

Դու նրանց իշխաններ կնշանակես ողջ երկրի վրա+։

17 Քո անվան մասին ես կպատմեմ գալիք բոլոր սերունդներին+,

Եվ ժողովուրդները կգովերգեն քեզ ընդմիշտ և հավիտյան։