135 Գովաբանե՛ք Յահին+։
Գովաբանե՛ք Եհովայի անունը+,
Գովաբանությո՛ւն մատուցեք, ո՛վ Եհովայի ծառաներ+,
2 Որ կանգնում եք Եհովայի տան մեջ+,
Մեր Աստծու տան գավիթներում+։
3 Գովաբանե՛ք Յահին, որովհետև Եհովան բարի է+։
Սաղմո՛ս երգեք նրա անվանը, քանի որ այն հաճելի է+։
4 Յահը իր համար Հակոբին ընտրեց+,
Իսրայելին՝ որպես իր հատուկ սեփականություն+։
5 Ես գիտեմ, որ Եհովան մեծ է+,
Մեր Տերը բարձր է մնացած բոլոր աստվածներից+։
6 Ինչը Եհովային հաճելի է, նա այն է անում+
Երկնքում ու երկրի վրա, ծովերում ու ջրերի անդունդների մեջ+։
7 Նա գոլորշի է բարձրացնում երկրի ծայրերից+,
Ջրարգելակներ է սարքում անձրևի համար+
Եվ քամի է հանում իր ամբարներից+։
8 Նա էր, որ կոտորեց Եգիպտոսի առաջնեկներին+,
Թե՛ մարդկանց և թե՛ անասուններին+։
9 Նա նշաններ ու հրաշքներ ուղարկեց քեզ վրա, ո՛վ Եգիպտոս+,
Փարավոնի և նրա բոլոր ծառաների վրա+.
10 Նա էր, որ բազմաթիվ ազգերի հարվածեց+
Եվ զորավոր թագավորների սպանեց+.
11 Ամորհացիների Սեհոն թագավորին+,
Բասանի Օգ թագավորին+
Եվ Քանանի բոլոր թագավորությունները+
12 Եվ նրանց երկիրը ժառանգություն տվեց+,
Ժառանգություն՝ իր Իսրայել ժողովրդին+։
13 Ո՛վ Եհովա, հավերժական է քո անունը+։
Ո՛վ Եհովա, քո մասին հիշատակը սերնդից սերունդ է+։
14 Եհովան կպաշտպանի իր ժողովրդի դատը+
Եվ կկարեկցի իր ծառաներին+։
15 Ազգերի կուռքերը արծաթ ու ոսկի են+,
Մարդու ձեռքի գործեր+։
16 Բերան ունեն, բայց չեն խոսում+,
Աչքեր ունեն, բայց չեն տեսնում+։
17 Ականջներ ունեն, բայց չեն լսում+։
Ոգի չկա նրանց բերանում+։
18 Ճիշտ դրանց նման պիտի լինեն դրանք սարքողները+,
Եվ ամեն ոք, ով դրանց է ապավինում+։
19 Ո՛վ Իսրայելի տուն, օրհնի՛ր Եհովային+։
Ո՛վ Ահարոնի տուն, օրհնի՛ր Եհովային+։
20 Ո՛վ Ղևիի տուն, օրհնի՛ր Եհովային+,
Եվ դուք, Եհովայից վախեցողնե՛ր, օրհնե՛ք Եհովային+։
21 Օրհնյալ լինի Եհովան Սիոնից+,
Նա, որ բնակվում է Երուսաղեմում+։
Գովաբանե՛ք Յահին+։