Սաղմոսներ

63 Ո՛վ Աստված, դու իմ Աստվածն ես, ես քեզ եմ փնտրում+։

Հոգիս ծարավ է քեզ+։

Մարմինս ուժասպառ է եղել քեզ փափագելով

Չոր ու ցամաքած երկրում, որտեղ ջուր չկա+։

 2 Այսպես ես նայեցի քեզ սուրբ վայրում+՝

Տեսնելով քո զորությունն ու փառքը+։

 3 Որովհետև քո սիրառատ բարությունը կյանքից ավելի լավ է+.

Շուրթերս քեզ պիտի գովեն+։

 4 Այսպես կօրհնեմ քեզ իմ ողջ կյանքի ընթացքում+,

Քո անունով կբարձրացնեմ իմ ձեռքերը+։

 5 Ասես ամենալավ՝ պարարտ կտորներով կշտացել է հոգիս+,

Եվ բերանս ցնծության շուրթերով քեզ է գովաբանում+։

 6 Երբ հիշում եմ քեզ իմ անկողնում+,

Գիշերվա պահերին* քո մասին եմ խորհում+,

 7 Որովհետև դու ինձ օգնության հասար+,

Եվ թևերիդ հովանու տակ ես կցնծամ ուրախությունից+։

 8 Ամենուրեք հոգիս քեզ է հետևում+.

Քո աջ ձեռքը ամուր պահում է ինձ+։

 9 Իսկ նրանք, ովքեր փնտրում են հոգիս, որ կործանեն այն+,

Կիջնեն երկրի խորունկ տեղերը+։

10 Նրանք սրի իշխանությանը կհանձնվեն+,

Աղվեսների բաժին կդառնան+։

11 Բայց թագավորը Աստծով պիտի ուրախանա+։

Նրանով երդվող ամեն ոք պիտի պարծենա+,

Որովհետև սուտ խոսողների բերանը պիտի պապանձվի+։