Երգերի երգը
4 «Գեղեցի՜կ ես դու+, ո՜վ ընկերուհիս, գեղեցի՜կ ես դու։ Աչքերդ աղավնու աչքեր են+ քողիդ+ հետևում։ Մազերդ այծերի հոտի են նման+, որ ցատկոտելով իջնում են Գաղաադի+ լեռներից։ 2 Ատամներդ նման են նոր խուզված մաքիների հոտի+, որ գալիս են լողանալուց. նրանք բոլորը երկվորյակներ են ծնում, և նրանցից ոչ մեկը չի կորցրել իր ձագերին։ 3 Շուրթերդ ալ կարմիր թելի են նման, և խոսքերդ հաճելի են+։ Քունքերդ նռան պճեղի են նման քողիդ հետևում+։ 4 Պարանոցդ+ Դավթի աշտարակին+ է նման, որ կառուցված է քարաշարքով, որի վրա հազար վահան է կախված, բոլորն էլ հզորների կլոր վահաններն+ են։ 5 Երկու ստինքներդ+ երկու ձագերի են նման՝ էգ վիթի երկվորյակների, որ արածում են շուշանների մեջ»+։
6 «Քանի դեռ օրը չի շնչում+, ու ստվերները չեն փախել, ես կգնամ դեպի զմուռսի լեռը և կնդրուկի բլուրը»+։
7 «Դու բոլորովին գեղեցիկ ես+, ո՜վ ընկերուհիս, և արատ չկա քեզանում+։ 8 Արի ինձ հետ Լիբանանից, ո՜վ հարսնացու+, արի ինձ հետ Լիբանանից+։ Իջիր Անդրլիբանանի* գագաթից, Սանիրի+ գագաթից, Հերմոնից+, առյուծների որջերից, ընձառյուծների լեռներից։ 9 Դու բաբախեցրել ես սիրտս, ո՜վ իմ քույր+, ո՜վ իմ հարսնացու+, դու բաբախեցրել ես սիրտս աչքիդ մեկ հայացքով+, վզնոցիդ մեկ ուլունքով։ 10 Որքա՜ն գեղեցիկ են քո քնքշանքները+, ո՜վ իմ քույր, ո՜վ իմ հարսնացու։ Քո քնքշանքները որքա՜ն ավելի լավն են գինուց, և քո յուղերի բուրմունքը՝ բոլոր տեսակի անուշ բույրերից+։ 11 Խորսխի մեղր է կաթում քո շուրթերից+, ո՜վ իմ հարսնացու։ Մեղր+ ու կաթ կա լեզվիդ տակ, և հանդերձներիդ բուրմունքը Լիբանանի բուրմունքին է նման+։ 12 Փակված պարտեզ է իմ քույրը+, իմ հարսնացուն, մի փակված պարտեզ է, կնքված աղբյուր։ 13 Մաշկդ նռնենիների դրախտ է՝ ընտիր մրգերով+, հինայով ու նարդոսով+, 14 նարդոսով+ ու զաֆրանով+, եղեգով+ ու դարչինով+ կնդրուկի ամեն տեսակ ծառերի հետ մեկտեղ, զմուռսով ու հալվեով+ բոլոր ընտիր անուշ բույրերի հետ մեկտեղ+. 15 պարտեզների աղբյուր է այն և ջրհոր՝ խմելու ջրով+, Լիբանանից հոսող վտակներ է այն+։ 16 Արթնացի՛ր, ո՜վ հյուսիսային քամի, ե՛կ, ո՜վ հարավային քամի+։ Փչիր իմ պարտեզի+ վրա։ Թող նրա անուշ բույրերը տարածվեն»։
«Թող իմ սիրեցյալը գա իր պարտեզը և ուտի դրա ընտիր պտուղները»։