Սաղմոսներ

36 Հանցագործությունը խոսում է ամբարշտի սրտում+,

Աստծու հանդեպ վախ չկա նրա աչքերի առաջ+։

 2 Ինքն իրեն շողոքորթում է իր իսկ աչքում+,

Ուստի չի տեսնում իր գործած հանցանքը, որ ատի այն+։

 3 Նրա բերանի խոսքերը վիրավորանք են ու խաբեություն+,

Բարի գործերի համար նա կորցրել է հասկացողությունը+։

 4 Իր անկողնու մեջ անօրենություն է խորհում+,

Իրեն կանգնեցնում է այն ճանապարհին, որ բարի չէ+։

Չի մերժում այն, ինչը որ չար է+։

 5 Ո՛վ Եհովա, սիրառատ բարությունդ երկնքում է+,

Հավատարմությունդ մինչև ամպերն է հասնում+։

 6 Արդարությունդ նման է քո ստեղծած սարերին, ո՛վ Աստված+,

Դատավճիռներդ ջրերի լայնարձակ անդունդներ են+։

Դու փրկում ես մարդ ու անասուն, ո՛վ Եհովա+։

 7 Ի՜նչ թանկագին է քո սիրառատ բարությունը, ո՜վ Աստված+,

Քո թևերի հովանու տակ մարդկանց որդիներն ապաստան են գտնում+։

 8 Նրանք հագենում են՝ խմելով քո տան պարարտությունից+.

Քո հաճությունների գետից դու խմել ես տալիս նրանց+։

 9 Որովհետև կյանքի աղբյուրը քեզ մոտ է+,

Քո լույսի շնորհիվ ենք մենք լույս տեսնում+։

10 Շարունակի՛ր սիրառատ բարությունդ դրսևորել նրանց հանդեպ, ովքեր ճանաչում են քեզ+,

Եվ արդարությունդ՝ նրանց հանդեպ, ովքեր ուղիղ են սրտով+։

11 Թող ամբարտավանության ոտքը ինձ վրա չգա+,

Եվ ամբարիշտների ձեռքը ինձ թափառական չդարձնի+։

12 Ահա ընկել են չարագործները+,

Նրանք վայր են գցվել ու չեն կարողանում վեր կենալ+։