Սաղմոսներ

12 Փրկի՛ր ինձ+, ո՜վ Եհովա, որովհետև քեզ նվիրված մեկը չմնաց+.

Հավատարիմներն անհայտացան մարդկանց որդիների միջից։

 2 Միմյանց հետ սուտ են խոսում+,

Խոսում են շողոքորթ շուրթերով+ ու կեղծավոր սրտով*+։

 3 Եհովան կփակի բոլոր շողոքորթ շուրթերը

Եվ կկտրի մեծ բաներ խոսող լեզուները+

 4 Նրանց, ովքեր ասում են. «Մեր լեզվով մենք հաղթելու ենք+։

Մեր շուրթերը մեզ հետ են։ Ո՞վ պիտի մեզ վրա տիրի»։

 5 «Կեղեքվածների զրկանքի և աղքատների հեծեծանքի պատճառով+

Ես կելնեմ հիմա,– ասում է Եհովան+։–

Կպաշտպանեմ նրանց այն մարդուց, ով արհամարհում է նրանց»+։

 6 Եհովայի խոսքերը մաքուր խոսքեր են+,

Ինչպես արծաթը՝ երկրի վրա հնոցի մեջ զտված և յոթ անգամ մաքրված։

 7 Ո՜վ Եհովա, դու կպաշտպանես նրանց+,

Դու ամեն մեկին հավիտյան կպահպանես այս սերնդից։

 8 Ամբարիշտները շրջում են ամենուրեք,

Որովհետև մարդկանց որդիների մեջ ստորությունն է մեծարվում+։