Եսայիա

18 Վա՜յ միջատների թևերի դզզոցով լեցուն երկրին,

Որը գտնվում է Եթովպիայի+ գետերով ողողված շրջանում:

 2 Նա պատգամաբերներ է ուղարկում ծովով,

Ջրերում նավարկող պապիրուսե նավերով

Եվ ասում է. «Գնացե՛ք, արագընթա՛ց պատգամաբերներ,

Գնացե՛ք բարձրահասակ ու ողորկամաշկ ազգի մոտ,

Ամենուրեք վախ ներշնչող ժողովրդի մոտ,+

Հզոր, զավթիչ ազգի մոտ,

Որի երկիրը ողողված է գետերով»:

 3 Աշխարհի ամե՛ն անկյունում ապրողներ, երկրի բոլո՛ր բնակիչներ,

Դուք սարերի վրա բարձրացված նշանասյան պես մի բան կտեսնեք,

Եղջերափողի հնչյուններ հիշեցնող մի ձայն կլսեք:

Դա կլինի ասես շողարձակող լույս ու ջերմություն,

Ասես ցողաբեր ամպ՝ բերքահավաքի տոթ եղանակին:

 5 Բերքահավաքից առաջ, երբ ծաղկունքն արդեն ավարտված լինի,

Եվ խաղողը հասունանալիս լինի,

Հողագործը էտոցով* կկտրի ընձյուղները,

Կկտրի կհեռացնի բեղիկները:

Գիշատիչ թռչունները ամռանը դրանցով կսնվեն,

Երկրի բոլոր գազանները բերքահավաքի շրջանում դրանցով կկերակրվեն:

 7 Այդ ժամանակ նվեր կբերվի Զորքերի տեր Եհովային

Բարձրահասակ ու ողորկամաշկ ազգից,

Ամենուրեք վախ ներշնչող ժողովրդից,

Հզոր, զավթիչ ազգից,

Որի երկիրը ողողված է գետերով,

Նվեր կբերվի Սիոն լեռ՝ այն վայրը, որ կրում է Զորքերի տեր Եհովայի անունը»:+