Սաղմոսներ

85 Ո՛վ Եհովա, քո երկրի մարդկանց դու բարեհաճություն ցույց տվեցիր,+

Հակոբի զավակներին գերությունից հետ դարձրիր:+

 2 Ժողովրդիդ հանցանքը ներեցիր,

Նրա բոլոր մեղքերը ջնջեցիր:+ (Սելա)

 3 Քո ողջ ցասումը զսպեցիր,

Քո բորբոքված բարկությունը հանդարտեցրիր:+

 4 Հետ ընդունիր մեզ, ո՛վ մեր Փրկիչ, մեր Աստվա՛ծ,

Մի՛ մնա մեզ վրա վրդովված:+

 5 Մի՞թե ընդմիշտ ես բարկացած լինելու,+

Մի՞թե զայրույթդ սերնդեսերունդ է մնալու:

 6 Մի՞թե մեզ նորից կյանքով չես լցնի,

Որ ժողովուրդդ քեզանով հրճվի:+

 7 Ո՛վ Եհովա, մեր հանդեպ հավատարիմ սեր դրսևորիր,+

Մեզ փրկություն շնորհիր:

 8 Ես կլսեմ, թե ինչ է ասում ճշմարիտ Աստված Եհովան,

Որովհետև նա խաղաղություն է հռչակում իր ժողովրդի՝+ իրեն նվիրվածների համար,

Միայն թե նրանք թող նորից չդառնան ինքնավստահ:+

 9 Անկասկած, նա իրենից վախեցողներին շուտով կփրկի,+

Եվ մեր երկիրը նրա փառքով կլցվի:

10 Սերն* ու հավատարմությունը կողջագուրվեն,

Արդարությունն ու խաղաղությունը կհամբուրվեն:+

11 Երկրից հավատարմություն կբուսնի,

Երկնքից արդարություն կճառագի:+

12 Այո՛, Եհովան բարիքներ* կպարգևի,+

Եվ մեր երկիրը պտուղ կբերի:+

13 Արդարությունը նրա առջևից կքայլի+

Եվ նրա համար ճանապարհ կհարթի: