Սաղմոսներ

63 Ո՛վ Աստված, դու իմ Աստվածն ես,

Շարունակ քեզ եմ փնտրում:+

Արևից խանձված այս չոր ու անջուր վայրում

Քո կարոտից հալումաշ եմ լինում:+

 2 Քո սուրբ վայրում ես քեզ եմ նայել,

Քո զորությունն ու փառքն եմ տեսել:+

 3 Քեզ կգովաբանեն իմ շուրթերը,+

Որովհետև կյանքից էլ թանկ է քո հավատարիմ սերը:+

 4 Իմ ողջ կյանքում քեզ կօրհներգեմ,

Քո անունը կանչելով՝ ձեռքերս դեպի քեզ կտարածեմ:

 5 Ես գոհ եմ, քանի որ դու ինձ ամենալավ, ամենաընտիր բաժինն ես տվել,

Ուստի իմ շուրթերով ուրախությամբ քեզ կգովերգեմ:+

 6 Իմ անկողնում պառկած՝ քեզ եմ հիշում,

Գիշերվա կեսին քո մասին եմ խորհրդածում,+

 7 Որովհետև դու ես հասնում ինձ օգնության,+

Քո թևերի տակ պաշտպանված՝ երգում եմ ցնծությամբ:+

 8 Ես պինդ կառչած եմ քեզ,

Եվ դու քո աջով ինձ ամուր բռնել ես:+

 9 Իսկ ովքեր ուզում են իմ կյանքը խլել,

Գերեզման կիջնեն:

10 Նրանք կտրվեն սրի բերան,

Շնագայլերի* կեր կդառնան:

Աստծով երդվող ամեն մարդ կհրճվի,*

Որովհետև ստախոսների լեզուն կպապանձվի: