Սաղմոսներ

6 Ո՛վ Եհովա, ինձ բարկությամբ մի՛ խրատիր

Եվ ցասումով ինձ մի՛ ուղղիր:+

 2 Ո՛վ Եհովա, բարեհաճ* եղիր իմ հանդեպ. ես ուժասպառ եմ լինում,

Բուժիր ինձ, Եհո՛վա,+ ոսկրերիս միջով սարսուռ է անցնում:

 3 Սաստիկ ալեկոծված է հոգիս,+

Ասա ինձ, Եհո՛վա, դեռ ինչքա՞ն պիտի սպասես:+

 4 Ո՛վ Եհովա, եկ ու ազատիր ինձ,+

Չէ՞ որ հավատարիմ է քո սերը, փրկիր ինձ:+

 5 Մահացածները քո մասին չեն խոսի,*

Գերեզմանում* քեզ ո՞վ կգովաբանի:+

 6 Հառաչանքներիցս հալումաշ եմ լինում,+

Ողջ գիշեր անկողինս արտասուքով եմ ողողում

Եվ այն իմ արցունքներով թրջում:+

 7 Վշտից աչքերս տկարացել են,+

Հալածողներիս երեսից խավարել* են:

 8 Ո՛վ չարագործներ, հեռացեք ինձնից,

Եհովան կլսի իմ հեկեկանքը:+

 9 Եհովան կլսի իմ աղաչանքը,+

Եհովան կընդունի իմ աղոթքը:

10 Բոլոր թշնամիներս ամոթով կմնան ու կսարսափեն,

Անսպասելի խայտառակ կլինեն ու կնահանջեն:+