«Ես քո մխիթարական խոսքի կարիքն ունեմ»

● Եհովայի վկաների Մեքսիկայի մասնաճյուղը նամակ ստացավ մի կնոջից, որն աշխատում է այնպիսի դպրոցում, որտեղ հատուկ օգնություն է տրվում հաշմանդամներին ու մտավոր հիվանդներին։ Նա գրել էր. «Մայիսի 9–ին մայրս հեռացավ կյանքից։ Ես չեմ կարող նկարագրել, թե ինչ ծանր է կորստի զգացումը։ Նրա մահից մի քանի ամիս առաջ իմ աշխատանքի հետ կապված փնտրտուքներ էի անում մահագիտության վերաբերյալ, որը ուսումնասիրում է, թե ինչ է մահը և թե ինչպես կարելի է համակերպվել մահվան իրողությանը։ Ես կարծում էի՝ իմ գտած տեղեկությունները կօգնեն ինձ, բայց չօգնեցին»։

Մի անգամ, երբ այդ կինը շատ տխուր էր, աղոթեց Աստծուն՝ ասելով. «Ես քո մխիթարական խոսքի կարիքն ունեմ»։ Նա պատմում է. «Այդ գիշեր կարդացի «Երբ մահանում է քո սիրելիներից մեկը» գրքույկը։ Ինձ թվում էր՝ այն հենց ինձ համար է գրված։ Այնտեղ ասվում էր, որ լաց լինելը բնական է։ Իսկ «Ինչպե՞ս ուժ գտնեմ ապրելու» վերնագրի տակ կարդացի հետևյալ խոսքերը. «Չարժե թերագնահատել նաև աղոթքի կարևորությունը։.... Այն օգնությունը, որ տալիս է Աստված, իրոք կարող է թեթևացում բերել ձեզ։.... Ինչ խոսք, Աստված չի վերացնի ձեր սրտի ցավը, այլ կմեղմի այն, որ հեշտությամբ կարողանաք տանել։ Սա չի նշանակում, թե այլևս չեք լացի կամ կմոռանաք ձեր հանգուցյալ հարազատի մասին, բայց դուք ուժ կգտնեք տոկալու»։ Այս խոսքերն իսկապես օգնեցին ինձ»։

Եթե հարազատ եք կորցրել և մխիթարական խոսքերի կարիք ունեք կամ ճանաչում եք մեկին, ով մխիթարության կարիք ունի, գուցե օգտակար լինի ընթերցել «Երբ մահանում է քո սիրելիներից մեկը» 32 էջանոց գրքույկը։

Դուք կարող եք պատվիրել մի օրինակ՝ լրացնելով ներքևի կտրոնը և ուղարկելով 5–րդ էջում նշված հասցեներից որևէ մեկով։

❑ Ես պատվիրում եմ այստեղ պատկերված գրքույկը։

❑ Խնդրում եմ այցելել ինձ՝ Աստվածաշնչի անվճար տնային ուսումնասիրություն անցկացնելու համար