Նրանք թանկ են գնահատում Աստծու սերը

● Հիսուսը սովորեցրել է մեզ թանկ գնահատել Աստծու սերը։ Նա ասել է. «Աստված այնքան շատ սիրեց աշխարհը, որ իր միածին Որդուն [Հիսուսին] տվեց, որպեսզի ամեն ոք, ով հավատ է դրսևորում նրա հանդեպ, չկործանվի, այլ հավիտենական կյանք ունենա» (Հովհաննես 3։16)։ Մեր հանդեպ Աստծու սերը և այն հրաշալի հեռանկարը, որ նա բացել է մեր առաջ՝ տալով իր Որդուն, վառ կերպով ներկայացվում են «Մոտեցիր Եհովային» գրքում։

Ֆլորիդայում (ԱՄՆ) ապրող մի կին գրում է. «5-րդ գլուխն ընթերցելուց հետո չէի կարող զսպել հիացմունքս Եհովայի սիրո, իմաստության և անսահման զորության հանդեպ։ Խորհելով նրա ստեղծագործությունների շուրջ՝ իմ սիրտը ավելի շատ էր սիրով լցվում նրա նկատմամբ»։ Մի կին էլ, որն ապրում է Հարավային Դակոտայում (ԱՄՆ), ասում է. «Ավելի քան 30 տարի չէի կարողանում սեր դրսևորել (կամ զգալ, որ սիրված եմ)։ Այս հարցում ուրիշ ոչ մի գիրք ինձ այնպես չի օգնում, ինչպես այս գիրքը»։

«Մոտեցիր Եհովային» 320 էջանոց գրքում քննարկվում են Աստծու գլխավոր հատկությունները՝ զորությունը, արդարությունը, իմաստությունը և սերը։ Դուք կարող եք պատվիրել այս գիրքը՝ լրացնելով ներքևի կտրոնը և ուղարկելով այս պարբերագրի 5-րդ էջում նշված հասցեներից մեկով։

❑ Ես պատվիրում եմ այս գիրքը

❑ Խնդրում եմ այցելել ինձ՝ Աստվածաշնչի անվճար տնային ուսումնասիրություն անցկացնելու համար