Քրիստոնեական սեր՝ ոչ միայն խոսքերով

ԲԱՐԹՈԼՈՄՅՈՒՆԵՐԻ ընտանիքը բացի կյանքից կորցրեց ամեն բան, երբ կրակի բոցերը խժռեցին Տրինիդադում գտնվող իրենց տունը։ Մոտակայքում ապրող ազգականները կարողացան օթևան տալ նրանց, բայց դրանով ամեն ինչ չվերջացավ։

Օլիվ Բարթոլոմյուն Եհովայի վկա է։ Այն ժողովի անդամները, որտեղ նա ծառայում է, ինչպես նաև շրջակա տարածքներում բնակվող հավատակիցները, միջոցներ տրամադրեցին նրանց ավերված տունը վերակառուցելու համար։ Շինարարական աշխատանքները վերահսկելու նպատակով հանձնաժողով կազմակերպվեց, և շինարարությունը սկսվեց։ Մոտ 20 Վկաներ, այդ թվում նաև Օլիվի հարևաններից ոմանք, մասնակցեցին շինարարությանը։ Անգամ երիտասարդությունն իր մասնակցությունը բերեց, քանի դեռ մյուսները զբաղված էին կերակուր պատրաստելով։

«Ընտանիքիս անդամները, որոնք Եհովայի վկաներ չեն, մինչև հիմա ապշած են մնացել,— ասաց Օլիվը այդ երկրում լույս տեսնող «Սանդի Գարդիան» օրաթերթում տրված հարցազրույցի ժամանակ։— Ամուսինս շատ է տպավորված իր տեսածից»։

Խոսելով թափված ջանքերի մասին՝ շինարարական ծրագրի կոորդինատորը շեշտեց, որ նման գործերն իսկապես վկայում են ճշմարիտ քրիստոնյաներին բնորոշող հատկանիշի մասին։ «Մենք չենք գնում տնետուն միայն սիրո մասին խոսելու համար,— ասաց նա,— այլ ձգտում ենք կյանքում կիրառել այն, ինչ քարոզում ենք» (Յովհաննէս 13։34, 35)։

[նկար 32–րդ էջի վրա]

Օլիվ Բարթոլոմյուն իր ամուսնու հետ