1999 թ. Եհովայի վկաների նահանգային համաժողովը «Աստծո մարգարեական խոսքը» վերնագրով

¹ Երբ իսրայելացիները գտնվում էին անապատում, Եհովան պատվիրեց Մովսեսին երկու արծաթե փող պատրաստել։ Մի փողի հնչելու դեպքում Իսրայելի իշխանները հավաքվում էին ժողովի խորանի մուտքի մոտ, իսկ երկու փողի դեպքում հավաքվում էր ողջ ժողովուրդը (Թուոց 10։1—4)։ Մի՞թե այսօր չենք ցնծում ուրախությունից, երբ հնչող փողերի նման հայտարարություններ ենք լսում մեր տարեկան նահանգային համաժողովներում հավաքվելու մասին։ Համաժողովներում Եհովայի կողմից ղեկավարություն ենք ստանում նրա Խոսքի և նշանակված ներկայացուցիչների միջոցով։ Սա ամրապնդում է մեզ, որպեսզի շարունակենք Եհովային ծառայել։ Արդյոք չե՞նք ուրախանում, երբ հազարավոր, գուցե և տասնյակ հազարավոր հավատարիմ երկրպագուներ ենք տեսնում՝ սիրով և խաղաղությամբ մեկտեղ հավաքված։ Անշո՛ւշտ (Սաղ. 122։1, 7, 8)։

² 1998 թ. հուլիսից մինչև սեպտեմբեր ամիսը 41 նահանգային համաժողով անցկացվեց Բելոռուսի, Ղազախստանի, Ղրղզստանի, Ռուսաստանի և Վրաստանի 38 քաղաքներում։ Մեզանից շատերն այցելեցին Բեռլինում (Գերմանիա) և Պոնտիակում (ԱՄՆ) տեղի ունեցած միջազգային համաժողովները։ Լեզուների բազմազանությունը համաժողովներում խոչընդոտ չհանդիսացավ եղբայրների համար, որպեսզի սեր ու ջերմություն ցուցաբերեին միմյանց հանդեպ։ Մեր նկատմամբ ցուցաբերած հյուրընկալությունը հաճելի հաղորդակցության ճանապարհ բացեց մեզ ընդունող եղբայրների համար։ Մեր երկրում իրենց նշանակված վայրերից նահանգային համաժողով էին այցելել հատուկ ռահվիրաները։ Նրանց ներկայությունը հոգևորապես քաջալերեց բոլորին։ 1999 թ. նահանգային համաժողովում հավաքվելիս՝ նոր հնարավորություն կունենանք մեր անգնահատելի եղբայրությունը վայելելու և շնորհակալություն հայտնելու Եհովային իր պարգևած միասնության համար։

³ Կացարաններում տեղավորման կարգը։ Համաժողովի բնակարանային բաժինն ուրախ է օգնել եղբայրներին տեղավորվելու մասնավոր տներում, դպրոցներում և ուրիշ մասսայական կացարաններում։ Երբեմն համաժողովի այցելուներին հնարավոր է լինում տեղավորել նույնիսկ հյուրանոցներում և նմանատիպ կացարաններում (օրինակ՝ ուսանողական հանրակացարաններում)։ Բնակարանային բաժինն ամեն տարի դեկտեմբերին ժողովի քարտուղարին ուղարկում է «Տեղեկություն կացարանի առկայության մասին» նամակը։ Այցելուներից սպասվում է, որ բոլոր դեպքերում նրանք կվճարեն համաժողովի օրերին իրենց տրամադրած կացարանի ծախսերը։ Ցանկալի կլիներ, որ այսօրվանից գումար ետ գցեինք, որպեսզի կարողանայինք մասնակցել համաժողովին։ Համաժողովին մասնակցելու հետ կապված ծախսերը հոգալը յուրաքանչյուր այցելուի անձնական պարտականությունն է։ Ովքեր ցանկանում են հյուրանոցում մնալ, պետք է հայտնեն այդ մասին քարտուղարին, իսկ նա գրավոր ձևով կհաղորդի համաժողովի բնակարանային բաժնին, թե քանի տեղ է հարկավոր։ Հետագայում ձեր ժողովին կուղարկվի «Առաջարկվող հյուրանոցների, հանրակացարանների և այլ տիպի կացարանների ցուցակը»։ Ցուցակը ստանալուն պես այդպիսի կացարաններով հետաքրքրվողները պետք է ընտրեն որոշակի տեղ, որտեղ կցանկանային մնալ, լրացնեն «Կացարանի հայտ» (CO-5) բլանկը ու հանձնեն քարտուղարին։ Հետևեք այն ցուցումներին, որ տրվում են «Կացարան ընտրելու կարգը» շրջանակում։

⁴ Ձեր համաժողովի մասնակիցների համար նախատեսված կացարանները գտնվում են «Առաջարկվող հյուրանոցների, հանրակացարանների և այլ տիպի կացարանների» առաջին ցուցակում։ Երբ այդ կացարաններում այլևս ազատ տեղեր չլինեն, ձեր ժողովին կուղարկվի վերանայված ցուցակը։ Խնդրում ենք ձեզ օգտագործել պատվիրած կացարանը։ Մի պատվիրեք ուրիշ տեղեր, անգամ եթե ձեզ դուր են գալիս նոր ցուցակի մեջ նշված տեղերը, որոնք, գուցե, ավելի հարմար են կամ համաժողովի վայրին ավելի մոտ են գտնվում։ Ցուցակում նշված լրացուցիչ կացարաններն այն եղբայրների և քույրերի համար են, ովքեր դեռ մնալու տեղ չունեն և ոչ նրանց համար, ովքեր արդեն պատվիրել են իրենց տեղերը։ Այս հրահանգներին հետևելով՝ հնարավորություն ենք ունենում մեր քրիստոնյա հավատակիցների հանդեպ սեր ցուցաբերել (Ա Կորնթ. 10։24; Ա Տիմոթ. 6։8)։

⁵ Եթե զանգահարել եք ցուցակում նշված բոլոր կացարանները և ազատ տեղեր չեք գտել, խնդրում ենք դիմել ձեր ժողովի քարտուղարին։ Վերջինս կկապվի բնակարանային բաժնի հետ՝ օգտվելով յուրաքանչյուր ցուցակի վերևում նշված հասցեի կամ հեռախոսի համարից։ Ցուցակում նշված հյուրանոցները հաճախ լրացուցիչ համարներ են տրամադրում կայանալիք համաժողովի մոտակա օրերին։ Երբ բնակարանային բաժինը պայմանավորվի լրացուցիչ համարների համար, այդ հյուրանոցների անունները կհայտնվեն վերանայված ցուցակում։ Խնդրում ենք սպասել նոր ցուցակին և չպատվիրել համարներ այն հյուրանոցներում, որոնք նշված չեն ցուցակում։

⁶ Ինչպես կարգավորել կացարանի հետ կապված խնդիրները։ Ցանկացած պահին կացարանի հետ կապված որևէ խնդիր ծագելիս՝ համաժողովի բնակարանային բաժինը կցանկանար իմանալ այդ մասին ձեզ աջակցելու համար։ Համաժողովից առաջ կամ հետո առաջացած խնդիրների դեպքում գրեք կամ զանգահարեք բնակարանային բաժին՝ օգտվելով «Առաջարկվող հյուրանոցների, հանրակացարանների, և այլ տիպի կացարանների ցուցակի» վերևում նշված հասցեից կամ հեռախոսի համարից։ Եթե խնդիրն առաջանում է համաժողովի ընթացքում, հարկավոր է դիմել համաժողովում աշխատող բնակարանային բաժին և այդ մասին նրանց տեղյակ պահել, որպեսզի խնդիրը լուծվի մինչև հյուրանոցից հեռանալը։

⁷ Ուրիշ համաժողով այցելելը։ Եթե ծրագրել եք մասնակցել այն համաժողովին, որին ձեր ժողովը նշանակված չէ, ապա ժողովի քարտուղարը կարող է հայտնել ձեր ընտրած համաժողովի վարչության հասցեն։ Տեղավորման կամ ուրիշ որևէ հարցով դիմելիս՝ չմոռանաք դատարկ ծրար դնել, վրան սոսնձել նամականիշ և ձեր հասցեն գրել։ Եթե տվյալ քաղաքում մեկից ավելի համաժողով է անցկացվում, չմոռանաք նշել այն համաժողովի անցկացման ամսաթիվը, որին ցանկանում եք այցելել։ Անհրաժեշտ է սպասել բնակարանային բաժնի պատասխանին։ Կացարանի հայտը պետք է վավերացվի ժողովի քարտուղարի կողմից։

⁸ Հատուկ կարիքներ ունեցողների նկատմամբ հոգածություն։ Խնդրում ենք ուշադիր լինել հատուկ կարիքներ ունեցող մեծահասակների, հաշմանդամների, լիաժամ ծառայողների կամ ձեր ժողովի ուրիշ քույրերի և եղբայրների նկատմամբ, որոնք օգնության կարիք են զգում համաժողովին ներկա գտնվելու համար։ Հատուկ կարիքավորների հարազատները, երեցները և ժողովի այլ անդամները, ովքեր տեղյակ են նրանց կացության մասին, կարող են սիրալիր կերպով նրանց օգնել (համեմատիր Ա Տիմոթ. 5։4)։

⁹ Ընկերության «Կացարանի հայտ» (CO-5) բլանկի վրա՝ վերևի աջ կողմում, քարտուղարը կնշի՝ «հատուկ կարիքներ»։ Այս օգնությունը նախատեսված է օրինակելի քարոզիչների, կարգապահ երեխաներ ունեցողների համար, որոնց առաջարկել է ժողովի ծառայողական կոմիտեն։ Այս դիմումները պետք է ուղարկել բնակարանային բաժին որքան հնարավոր է շուտ՝ օգտվելով բլանկի հակառակ կողմում նշված համաժողովի հասցեից։ Հատուկ կարիքներ ունեցողներին հիմնականում տեղավորում են համաժողովին մոտ գտնվող մասնավոր տներում կամ հյուրանոցներում։ Այս տեղերը նախատեսված չեն նրանց համար, ովքեր ցանկանում են խնայել իրենց միջոցները, օրինակ՝ արձակուրդի համար։ Մասնավոր տները տրամադրվում են միայն համաժողովի օրերի ընթացքում ապրելու համար։ Անտեղի կլինի ավելի երկար մնալ այնտեղ արձակուրդն անցկացնելու առիթով։ Անհրաժեշտ է պատշաճ հարգանքով վերաբերվել տանտիրոջը և նրա տանը տիրող կարգուկանոնին։ Ժողովի այն անհատները, ովքեր ցանկանում են տրամադրել իրենց բնակարանը համաժողովի պատվիրակների համար, կարող են դիմել ժողովի քարտուղարին և լրացնել (CO-4) բլանկը։

¹⁰ Երախտագիտության խոսքեր։ Վկաների մի ընտանիք հյուրանոցի տնօրենին գրեց հետևյալը. «Ձեր հյուրանոցը լավագույն կերպով սպասարկեց մեր ընտանիքին։ Սենյակները մաքուր էին և ապահովված ամեն անհրաժեշտ իրերով։ Հյուրանոցի աշխատողների ներդաշնակ աշխատանքի շնորհիվ հանգստյան մեր օրերը հաճույքով անցկացրեցինք։ Շնորհակալություն ենք հայտնում «Դիտարան» ընկերության համաժողովի անցկացման համար պատրաստություններին մեզ ցուցաբերած օգնության՝ մատչելի գներով մեզ համարներ տրամադրելու համար»։ Իսկ դուք շնորհակա՞լ եք ձեզ համար արված բազում պատրաստությունների համար։ Համաժողովների ժամանակ Ընկերությունը սիրով ապահովում է հարմարավետ և մատչելի գներով կացարաններով և, այդպիսով, թույլ է տալիս բոլորին կենտրոնանալ համաժողովի ծրագրի և նրանից ստացած հոգևոր օգուտների վրա։

¹¹ Համաժողովներում մեր քույրերի և եղբայրների լավ վարքը փառք է բերում Եհովային և քաջալերում է մեզ։ Հյուրանոցի աշխատակիցներից մեկն ասաց. «Մինչև հիմա այստեղ չեն ապրել այնպիսի հիանալի մարդիկ, ինչպիսին ձեր այցելուներն են»։ Մեկ ուրիշ աշխատող հետևյալ կարծիքն արտահայտեց. «Մեզ հաճելի է պատվերներ ընդունել ձեր մարդկանցից։ Նրանք բոլորը քաղաքավարի են և պատրաստ են մեր հարցերին պատասխանելու։ Այս խմբի հետ ավելի հեշտ է աշխատել»։ Ռեստորանի մի տնօրեն արտահայտվեց. «Հաճելի է քաղաքում նման հյուրեր ունենալը, որոնցով կարելի է հպարտանալ»։ Ռեստորանը տասը տոկոս զեղչով է մատուցում համաժողովի բոլոր կրծքանշաններով այցելուներին։ Մի հյուրանոցի տնօրեն ասաց. «Մեր հյուրանոցում ձեր ժողովրդին տեսնելը մեզ հաճույք է պատճառում»։ Կողմնակի մարդկանց արտահայտած գովասանքի այս խոսքերը հոյակապ վկայություն են։ Մեր լավ վարքը փառավորում է Եհովային, և նա հպարտանում է մեզանով (Ա Թեսաղ. 4։11բ; Ա Պետ. 2։12)։

¹² Մենք քաջալերում ենք ձեզ այցելել 1999 թ. «Աստծո մարգարեական խոսքը» եռօրյա նահանգային համաժողովը և ակնկալում ենք ձեզ հետ միասին լսել միավորված բազմության՝ Աստծո երկրպագուների «օրհնութեան եւ գովասանութեան ձայնը» (Սաղ. 42։4)։ Թող Եհովան օրհնի բոլոր այս պատրաստությունները, որոնք կազմակերպվում են մեր անվերջանալի հոգևոր հարստության համար։

[3 էջի վրայի ներդիրը]

Ծրագրի ժամանակը

Ուրբաթ և շաբաթ

9.30—17.00

Կիրակի

9.30—16.00

[5 էջի վրայի ներդիրը]

ԿԱՑԱՐԱՆ ԸՆՏՐԵԼՈՒ ԿԱՐԳԸ

1. Բնակարանային բաժնից ուղարկված «Տեղեկություն կացարանների առկայության մասին» նամակին ծանոթանալով՝ հայտնեք քարտուղարին ձեր ընտրությունը։

2. Լրացրեք «Կացարանի հայտ» (CO-5) բլանկը և վերադարձրեք քարտուղարին։

3. Քարտուղարը հայտերը կուղարկի բնակարանային բաժին։

4. Եթե դուք չեք ապրելու սկզբում նշված տեղում, նախապես հայտնեք այդ մասին ժողովի քարտուղարին կամ բնակարանային բաժնին։