Նորամուծություն՝ Թագավորության սրահների գրադարանների համար
Տարիներ շարունակ Եհովայի վկաների ժողովները ամբողջ աշխարհում օգուտներ են քաղել իրենց Թագավորության սրահների գրադարաններից (նախկինում կոչվում էին Աստվածապետական ծառայության դպրոցի գրադարաններ)։ Մի ժամանակ կարծում էինք՝ լավ կլինի, որ յուրաքանչյուր ժողով ունենա իր գրադարանը։ Բայց քանի որ միևնույն Թագավորության սրահից օգտվում են մեկից ավելի ժողովներ, այդ թվում նաև օտարախոս, լավագույն միջոցը ամեն մի Թագավորության սրահում յուրաքանչյուր լեզվով միայն մեկ հարուստ ու վերջին հրատարակությունները բովանդակող գրադարան ունենալն է։ Այն Սրահներում, որտեղ մեկից ավելի լսարաններ կան, ամեն մի լսարանում հարկավոր է ունենալ գրադարան յուրաքանչյուր լեզվի համար, որով խոսող ժողովի հանդիպումներն անցկացվում են տվյալ լսարանում։
Այս նորամուծությունը կնպաստի միջոցներ, ինչպես նաև Թագավորության սրահներում տեղ խնայելուն։ Բացի այդ, երկու կամ ավելի ժողովների գրադարանները միավորելով՝ հավանաբար ավելի լավ գրադարաններ կունենանք։ Գրադարանները միավորելու արդյունքում շատ գրքերից կլինեն մեկից ավելի օրինակներ։ Դրանք կարելի է պահել և հետագայում գործածել նոր Թագավորության սրահներում։ Եթե Թագավորության սրահում համակարգիչ կա, ինչպես նաև ««Դիտարան» ընկերության գրադարանը» կոմպակտ սկավառակի վրա, ապա ոմանք գուցե շատ օգտակար համարեն այդ գործիքից օգտվելը։
Յուրաքանչյուր Թագավորության սրահի գրադարանում մի եղբայր կծառայի որպես գրադարանավար։ Ցանկալի է, որ դա լինի Աստվածապետական ծառայության դպրոցի վերակացուներից մեկը։ Նա հարկ եղած գրականությունը կավելացնի և յուրաքանչյուր հրատարակության ներսի մասում կոկիկ կնշի, որ այն պատկանում է Թագավորության սրահի գրադարանին։ Տարին առնվազն մեկ անգամ նա պետք է ստուգի գրադարանում եղած բոլոր հրատարակությունները, հավաստիանա, որ բոլորը տեղում են և լավ վիճակում։ Այս գրադարաններում եղած գրականությունը չպետք է դուրս տանել Թագավորության սրահից։
Ժողովի անդամները շատ բարձր են գնահատում Թագավորության սրահի գրադարանը։ Հոգ տանելով մեր գրադարանի մասին և «Աստուծոյ գիտութիւնը» գտնելու նպատակով նրանից օգտվելով՝ եկեք ցույց տանք, որ անձամբ մենք գնահատում ենք այս միջոցառումը (Առակ. 2։5)։