Հայտարարություններ

◼ Տարածելու համար նախատեսված գրականություն. օգոստոս. 32–էջանոց ցանկացած գրքույկ, որ կա ժողովի պահեստում։ Սեպտեմբեր. տարածելու ենք «Աստվածաշունչը սովորեցնում է» գիրքը։ Հատուկ ջանքեր պետք է գործադրենք առաջին այցելության ժամանակ Աստվածաշնչի ուսումնասիրություն սկսելու համար։ Պետք է հետևենք, որ վերայցելենք բոլոր նրանց, ում տվել ենք «Աստվածաշունչը սովորեցնում է» գիրքը՝ նպատակ ունենալով ուսումնասիրություն սկսել։ Հոկտեմբեր. առաջարկում ենք «Դիտարան» և «Արթնացե՛ք» պարբերագրերի առանձին համարներ։ Հետաքրքրություն նկատելու դեպքում առաջարկիր «Արթուն կացե՛ք» գրքույկը՝ նպատակ ունենալով հետաքրքրություն զարգացնել Աստվածաշնչի հանդեպ։ Նոյեմբեր. առաջարկում ենք «Սովորիր Մեծ Ուսուցչից» գիրքը։ Եթե տանտերն ասում է, որ երեխաներ չունի, առաջարկեք «Կցանկանայի՞ք ավելին իմանալ Աստվածաշնչի մասին» թերթիկը կամ այլ հարմար թերթիկ։

◼ Նախագահող վերակացուն կամ նրա կողմից նշանակված եղբայրը սեպտեմբերի 1–ին կամ դրանից հետո ընկած մոտ ժամկետում պետք է ստուգի ժողովի ֆինանսական հաշիվները։ Եթե ժողովում կան առանձին դրամական միջոցներ Թագավորության սրահի շինարարության կամ վերակառուցման համար, նախագահող վերակացուն պետք է հոգ տանի, որ այդ հաշիվները նույնպես ստուգվեն։ Ժողովի հաջորդ ֆինանսական հաշվետվությունից հետո պետք է հայտարարվի այդ ստուգման մասին։