«Արթնացե՛ք» պարբերագիրը փրկեց չծնված երեխայի կյանքը

● Անիտա անունով մեքսիկացի մի կին երեք երեխա ուներ և հղի էր չորրորդովa։ Նա ասաց իր ամուսնուն, որ չի ուզում ևս մի երեխա ունենալ, ու ինչ–որ կերպ պիտի ձերբազատվի նրանից։ Նույնիսկ սպառնաց, թե ինքնասպան կլինի։ Թեև այդ ընթացքում Անիտան Աստվածաշունչ էր ուսումնասիրում Եհովայի վկաներից մեկի օգնությամբ, սակայն դանդաղ էր առաջադիմում։ Նա հիշում է. «Ես շատ մեծամիտ էի»։

Վկան, որը Անիտայի հետ Աստվածաշունչ էր ուսումնասիրում, բացատրեց այդ հարցի առնչությամբ Եհովայի տեսակետը։ Նա ցույց տվեց Անիտային, որ չծնված երեխայի կյանքը Աստված սուրբ է համարում։ Հին Իսրայելում եթե որևէ մեկը վնաս հասցներ հղի կնոջը, և եթե կինը կամ իր չծնված երեխան մահանար, ապա Աստծու օրենքի համաձայն՝ այդ մարդը պիտի մահվան դատապարտվեր (Ելից 21։22, 23)b։ Սակայն Անիտան ուշադրություն չէր դարձնում նրա խոսքերին։ Նա արդեն որոշել էր իր անելիքը։

Անիտան պատմում է. «Մեկից իմացա, որ եթե ինձ դեղ սրսկեն, ապա կվիժեմ։ Ես գնեցի դեղը և խնդրեցի ընկերներիցս մեկին սրսկել ինձ։ Նա այդպես էլ արեց, բայց ոչինչ էլ տեղի չունեցավ։ Հետո իմացա, որ նա չէր ցանկացել մեղսակից դառնալ, ուստի դեղի փոխարեն՝ մաքուր ջուր էր սրսկել»։

Անիտան շարունակում էր այլ միջոցներ փնտրել։ Երբ պտուղը չորս ամսական էր, նա մի բժիշկ գտավ, որը համաձայնվեց աբորտ անել։ Նրանց պայմանավորվածությունից վեց օր առաջ Վկան Անիտային տվեց «Արթանցե՛ք»–ի 1980 թ. մայիսի 22–ի համարը, որում մի հոդված կար «Չծնված երեխայի օրագիրը» վերնագրով (անգլ.)։ Երեխայի օրագիրն ավարտվում էր հետևյալ խոսքերով. «Այսօր մայրիկս սպանեց ինձ»։ Այս խոսքերը մինչև հոգու խորքը ցնցեցին Անիտային, ու նա մի քանի ժամ շարունակ ողբագին լաց եղավ։ Նա ասում է. «Ի վերջո, այս հոդվածը բացեց աչքերս»։

Անիտան լույս աշխարհ բերեց մի առողջ աղջնակի։ «Այսօր ես պատիվ ունեմ ճանաչելու Եհովային, նրան, ում սիրում եմ ամբողջ սրտով»,— ասում է նա։ Մայրիկը իր փոքրիկին կրթում է Աստծու Խոսքով, որ նա էլ մեծանա Եհովայի սիրո մեջ։ Իսկ նրա աղջիկը անկեղծորեն հավատում է, որ իր կյանքով պարտական է Աստծուն, քանի որ նա է կյանքի Աղբյուրը և որ նրա Խոսքի սկզբունքները, որոնք քննարկվում են «Արթնացեք»–ի այդ հոդվածում, փրկել են իր կյանքը։

[ծանոթագրություններ]