«Օգնեք թույլերին»

1. Տկարությունները մեր

շատ են, անհամար։

Բայց Աստված սիրում է մեզ

խոր սիրով անմար։

Ի՜նչ ողորմած է նա,

սերն է խորունկ նրա։

Օգնության աղբյուր լինենք

թույլերի համար։

2. «Ո՞վ է թույլ, և ես թույլ չեմ»,–

սա Պողոսն ասաց։

Բոլորիս համար զոհեց

իր Որդուն Աստված։

Տերն է նա տկարի,

կզորացնի, կօգնի։

Զգանք այն, ինչ նրանք են զգում,

կարեկցենք նրանց։

3. Չենք դատի տկարներին,

այլ միշտ կհիշենք,

որ եթե բարի լինենք,

շատ բան կշահենք։

Թող ջանասեր լինենք

և թույլերին օգնենք։

Թող քաջալերենք նրանց

ու մխիթարենք։