Տարեկան հանդիպումը, 7 հոկտեմբերի, 2000 թվական
ՓԵՆՍԻԼՎԱՆԻԱՅԻ «Աստվածաշնչի և գրքույկի Դիտարան ընկերության» անդամների ամենամյա հերթական հանդիպումը տեղի կունենա 2000 թ. հոկտեմբերի 7–ին, Եհովայի վկաների համաժողովների սրահում, հասցեն՝ 2932 Kennedy Boulevard, Jersey City, New Jersey (ԱՄՆ)։ Միայն Ընկերության անդամների համար ժամը 9։15–ին կկայանա նախնական հանդիպում, որից հետո՝ ժամը 10։00–ին, կսկսվի ընդհանուր տարեկան հանդիպումը։
Ընկերության անդամները պետք է վաղօրոք տեղեկացնեն իրենց հասցեում առաջացած փոփոխությունները՝ հայտնելով այդ մասին Քարտուղարի գրասենյակ, որպեսզի հուլիս ամսվա ընթացքում հնարավորություն ունենան ստանալ իրենց պաշտոնական հրավերն ու քվեարկության թերթիկները։
Տարեկան հանդիպման հրավերի հետ միասին ուղարկվելու են նաև քվեարկության թերթիկները, որոնք հարկավոր է ժամանակին լրացնել ու ետ ուղարկել, որպեսզի դրանք Ընկերության Քարտուղարի գրասենյակ հասնեն օգոստոսի 1–ից ոչ ուշ։ Յուրաքանչյուր անդամ այն վերադարձնելուց առաջ պետք է նշի՝ արդյոք ներկա լինելո՞ւ է հանդիպմանը, թե՝ ոչ։ Այս մասին նշելը շատ կարևոր է, քանի որ դրա հիման վրա պարզ կդառնա, թե ովքեր են ներկա գտնվելու։
Հանդիպման ամբողջ ծրագիրը՝ ներառյալ պաշտոնական գործնական մասն ու հաշվետվությունները, կավարտվի մոտավորապես ժամը 13։00։ Կեսօրից հետո հանդիպում չի լինի։ Քանի որ տեղերը սահմանափակ են՝ մուտքը տոմսերով է։ Հանդիպման ծրագիրը չի հեռաձայնվի այլ լսարաններում։