ԱՍՏՎԱԾԱՇՆՉՅԱՆ ՀԱՐՑԵՐ ՈՒ ՊԱՏԱՍԽԱՆՆԵՐ

Ինչո՞ւ մարդիկ չեն կարողանում համաշխարհային խաղաղություն հաստատել

Աստվածաշնչում նշվում է երկու գլխավոր պատճառ։ Առաջին՝ թեև մարդիկ մեծ ձեռքբերումների են հասել, նրանք ստեղծված չեն իրենց քայլերին ուղղություն տալու կարողությամբ։ Երկրորդ՝ մարդկանց ծրագրերը ձախողվում են, քանի որ «ամբողջ աշխարհը Չարի [Բանսարկու Սատանայի] իշխանության տակ է»։ Այդ պատճառով մարդկանց չի հաջողվում խաղաղություն հաստատել ողջ աշխարհում (կարդա՛ Երեմիա 10։23; 1 Հովհաննես 5։19)։

Մեկ այլ պատճառ է մարդու եսասիրությունն ու փառասիրությունը։ Աշխարհում խաղաղություն հնարավոր կլինի հաստատել միայն այնպիսի համաշխարհային կառավարության միջոցով, որը կսովորեցնի մարդկանց սիրել արդարությունը և հոգ տանել իրար (կարդա՛ Եսայիա 32։17; 48։18, 22)։

Ո՞վ է խաղաղություն հաստատելու երկրի վրա

Ամենակարող Աստված խոստացել է ստեղծել մի կառավարություն, որը կղեկավարի ողջ մարդկությանը։ Այն կփոխարինի մյուս բոլոր կառավարություններին (Դանիել 2։44)։ Աստծու Որդին՝ Հիսուս Քրիստոսը, կիշխի որպես Խաղաղության Իշխան։ Նա կվերացնի չարությունը երկրի երեսից և մարդկանց կսովորեցնի խաղաղության ճանապարհները (կարդա՛ Եսայիա 9։6, 7; 11։4, 9)։

Այսօր Հիսուսի առաջնորդությամբ միլիոնավոր մարդիկ Աստծու Խոսքի՝ Աստվածաշնչի միջոցով սովորեցնում են մարդկանց խաղաղություն ունենալ ուրիշների հետ։ Շուտով համաշխարհային խաղաղության մասին երազանքը իրականություն կդառնա (կարդա՛ Եսայիա 2։3, 4; 54։13)։