Կյանքի ավելի լավ ուղի գոյություն չունի

Ի՞նչ կարող ես անել, որ մոտ լինես Աստծուն։ Մենք նկատի առանք հետևյալ քայլերը, որոնք անելով՝ Աստծու հետ մտերիմ փոխհարաբերություններ կզարգացնես.

1. Իմանալ Աստծու անունը՝ Եհովա, և գործածել այն։

2. Կանոնավորաբար հաղորդակցվել նրա հետ աղոթքի և նրա Խոսքի՝ Աստվածաշնչի ուսումնասիրության միջոցով։

3. Ջանադրաբար անել այն, ինչ հաճելի է Եհովային։

Այս չափանիշները հաշվի առնելով՝ կարո՞ղ ես ասել, որ անում ես այն, ինչ անհրաժեշտ է Աստծուն մոտ լինելու համար։ Կա՞ն ոլորտներ, որ քո կարծիքով՝ կարող ես բարելավել։ Հասկանալի է, որ ջանքեր են անհրաժեշտ, բայց տես, թե ինչ արդյունքներ կլինեն։

«Արժե՛ ամեն ջանք թափել Աստծու հետ մտերիմ փոխհարաբերություններ զարգացնելու համար,— ասում է Ջենիֆերը, որն ապրում է Միացյալ Նահանգներում։— Այդ հարաբերությունները շատ օրհնություններ են բերում՝ ավելի մեծ վստահություն Աստծու հանդեպ, ավելի մեծ հասկացողություն, թե ինչպիսի անձնավորություն է նա, բայց, որ ամենակարևորն է, ավելի մեծ սեր։ Կյանքի ավելի լավ ուղի գոյություն չունի»։

Եթե ցանկանում ես մտերիմ փոխհարաբերություններ վայելել Աստծու հետ, Եհովայի վկաները ուրախությամբ կօգնեն քեզ։ Նրանք հոգ կտանեն, որ միասին ուսումնասիրեք Աստվածաշունչը, ինչը անվճար է։ Դու նաև հրավիրվում ես ներկա գտնվելու ժողովի հանդիպումներին, որոնք անցկացվում են տեղի Թագավորության սրահում, որտեղ կշփվես այնպիսի մարդկանց հետ, ովքեր թանկ են գնահատում Աստծու հետ ունեցած իրենց փոխհարաբերություններըa։ Այդպես անելով՝ դու նույնպես կզգաս այն, ինչ զգում էր սաղմոսերգուն, որն ասաց. «Ինձ համար բարի է Աստծուն մոտենալը» (Սաղմոս 73։28)։