Որքա՞ն ամուր է քո հավատը Եհովայի խոստումների հանդեպ

Ե՛վ Հեսուն, և՛ Սողոմոնը հաստատեցին, որ Եհովայի խոստումներից և ոչ մեկը առանց կատարվելու չի մնացել (Հս 23։14; 1Թգ 8։56)։ Այս երկու հավատարիմ ծառաների վկայությունը մեկն է այն բազում ապացույցներից, որոնց հիման վրա կարող ենք կառուցել մեր հավատը (2Կթ 13։1; Տիտ 1։2)։

Ինչպե՞ս է Եհովան կատարել իր խոստումները Հեսուի օրերում։ Ընտանիքով դիտեք «Ոչ մի խոսք առանց կատարվելու չմնաց» ներկայացում-տեսանյութը։ Հետո պատասխանեք հետևյալ հարցերին։ 1) Ինչպե՞ս կարող ես ընդօրինակել Ռախաբին հավատը գործերով փաստելու հարցում (Եբ 11։31; Հկ 2։24–26)։ 2) Աքանի օրինակն ինչպե՞ս է ցույց տալիս, որ գիտակցաբար անհնազանդություն դրսևորելը վատ հետևանքներ է բերում։ 3) Թեև գաբաոնացիները հմուտ ռազմիկներ էին, ինչո՞ւ նրանք, Հեսուին խաբելով, խաղաղության ուխտ կապեցին Իսրայելի հետ։ 4) Երբ ամորհացիների հինգ թագավորները սկսեցին պատերազմել իսրայելացիների դեմ, ինչպե՞ս կատարվեց Եհովայի ասածը (Հս 10։5–14)։ 5) Ինչպե՞ս է Եհովան քեզ օգնել, երբ Աստծու Թագավորությունն ու նրա արդարությունը առաջին տեղում ես դրել քո կյանքում (Մթ 6։33)։

Եթե խորհրդածենք այն ամենի մասին, ինչ Եհովան արել է, անում է և կանի ապագայում, նրա խոստումների հանդեպ մեր հավատը ավելի կամրանա (Հռ 8։31, 32)։