Ապրիր Եհովային փառաբանելու համար

Կյանքը թանկագին պարգև է։ Այն, թե ինչպես ենք ամեն օր օգտագործում այդ պարգևը, ցույց է տալիս, թե որքան թանկ ենք համարում այն։ Լինելով Եհովայի վկա՝ մենք ձգտում ենք մեր տաղանդներն ու հմտությունները օգտագործել Եհովային՝ կյանք Տվողին, փառաբանելու համար (Սղ 36։9; Հտն 4։11)։ Այդուհանդերձ, այս չար աշխարհում առօրյա կյանքի մտահոգությունները հեշտությամբ կարող են մեր հոգևոր նպատակները հետին պլան մղել (Մկ 4։18, 19)։ Լավ կլինի, որ յուրաքանչյուրս ինքն իրեն հարցնի. «Ես իրո՞ք իմ լավագույնն եմ տալիս Եհովային» (Օս 14։2)։ Ինչպե՞ս են իմ աշխատանքն ու կարիերան անդրադառնում Եհովային մատուցվող իմ ծառայության վրա։ Ի՞նչ հոգևոր նպատակներ ունեմ։ Ինչպե՞ս կարող եմ ավելի շատ ընդլայնել իմ ծառայությունը։ Եթե տեսնես, որ բարելավման կարիք կա, աղոթիր Եհովային օգնության համար և արա անհրաժեշտ փոփոխությունները։ Անկասկած, ամեն օր Եհովային փառաբանելով՝ երջանիկ ու բավարարված կյանքով կապրես (Սղ 61։8)։

ԴԻՏԵՔ «ՕԳՏԱԳՈՐԾԻՐ ՔՈ ՏԱՂԱՆԴԸ ԵՀՈՎԱՅԻ ՀԱՄԱՐ» ՏԵՍԱՆՅՈՒԹԸ ԵՎ ՊԱՏԱՍԽԱՆԵՔ ՀԵՏԵՎՅԱԼ ՀԱՐՑԵՐԻՆ.

• Ինչո՞ւ անխոհեմ կլինի, եթե քո տաղանդները օգտագործես Սատանայի աշխարհում (1Հվ 2։17)։

• Ի՞նչ օրհնություններ են ստանում նրանք, ովքեր իրենց լավագույնը տալիս են Եհովային։

• Սուրբ ծառայության ո՞ր ոլորտներում գուցե ցանկանաս օգտագործել քո հմտություններն ու տաղանդները։