Ինչպե՞ս ես պատրաստվելու Հիշատակի երեկոյին

Սկսած այս տարվանից՝ մենք ավելի շատ ժամանակ կունենանք պատրաստվելու Քրիստոսի մահվան հիշատակի երեկոյին։ Եթե Հիշատակի երեկոն լինի շաբաթ կամ կիրակի օր, ապա չենք ունենա հանրային ելույթ և «Դիտարանի» ուսումնասիրություն, իսկ եթե լինի շաբաթվա մեջ որևէ այլ օր, ապա չի լինի «Մեր կյանքը և ծառայությունը» հանդիպումը։ Լավագույնս կօգտագործե՞ս այդ ազատ ժամանակը։ Ինչպես որ առաջին դարում, այնպես էլ այսօր պետք է գործնական քայլեր ձեռնարկվեն այս հատուկ միջոցառման համար (Ղկ 22։7–13; km 3/15, էջ 1)։ Նաև պետք է բոլորս պատրաստենք մեր սիրտը։ Ինչպե՞ս կարող ենք դա անել։

• Մտածիր այդ միջոցառմանը ներկա լինելու կարևորության մասին (1Կթ 11։23–26)։

• Աղոթիր ու խորհիր Եհովայի հետ ունեցած քո փոխհարաբերությունների մասին (1Կթ 11։27–29; 2Կթ 13։5)։

• Խորհրդածելով կարդա այնպիսի սուրբգրային նյութեր, որոնցում խոսվում է Հիշատակի երեկոյի նշանակության մասին (Հվ 3։16; 15։13)։

Որոշ քարոզիչներ կարդում են Հիշատակի երեկոյին առնչվող աստվածաշնչյան հատվածները, որ նշված են «Աստվածաշունչը քննենք ամեն օր» գրքույկում, և խորհրդածում են դրա շուրջ։ Ոմանք կարդում են հետևյալ աղյուսակում նշված աստվածաշնչյան համարները։ Ուրիշներն էլ նորից կարդում են «Դիտարանի» այն հոդվածները, որոնցում խոսվում է Հիշատակի երեկոյի, ինչպես նաև մեր հանդեպ Եհովայի ու Հիսուսի դրսևորած սիրո մասին։ Ուսումնասիրության ինչ ծրագիր էլ կազմես, թող այն ավելի մոտեցնի քեզ Եհովային ու նրա Որդուն։