ԱՊՐԵՆՔ ՈՐՊԵՍ ՔՐԻՍՏՈՆՅԱ
«Շարունակ այս բաների մասին մտածեք»
Ի՞նչ բաների մասին է խոսքը։ Փիլիպպեցիներ 4։8-ում հորդոր է տրվում մտածել այնպիսի բաների մասին, որոնք ճշմարիտ են, լուրջ ուշադրության են արժանի, արդար են, մաքուր, սեր են առաջ բերում, առաքինի են, գովասանքի են արժանի, և որոնց մասին լավն են խոսում։ Ինչ խոսք, դա չի նշանակում, թե քրիստոնյաները պետք է մտածեն միայն հոգևոր բաների շուրջ։ Սակայն այն ամենը, ինչի մասին մտածում ենք, պետք է հաճելի լինի Եհովային։ Դրանք չպետք է թուլացնեն Եհովային հավատարիմ մնալու մեր վճռականությունը (Սղ 19։14)։
Մեզ համար կարող է դժվար լինել խուսափել անպատշաճ մտքերից։ Մենք պետք է պայքարենք ոչ միայն մեր անկատար հակումների դեմ, այլ նաև Սատանայի՝ «այս աշխարհի աստծու» դեմ (2Կթ 4։4)։ Քանի որ զանգվածային լրատվամիջոցները գտնվում են Սատանայի իշխանության տակ, հեռուստատեսությամբ, ռադիոյով, ինտերնետով կամ տպագիր հրատարակությունների միջոցով ներկայացված նյութերի մեծ մասը ապականված է։ Եթե ուշադիր ու ընտրողական չլինենք այն հարցում, թե ինչով ենք լցնում մեր միտքը, այն կարող է ապականվել, ինչն էլ ի վերջո կանդրադառնա մեր վարքի վրա (Հկ 1։14, 15)։
ԴԻՏԻՐ «ԽՈՒՍԱՓԻՐ ԱՅՆ ԲԱՆԵՐԻՑ, ՈՐ ՔԱՅՔԱՅՈՒՄ ԵՆ ՆՎԻՐՎԱԾՈՒԹՅՈՒՆԸ— ԺԱՄԱՆՑԻ ԱՆՊԱՏՇԱՃ ՁԵՎԵՐ» ՏԵՍԱՆՅՈՒԹԸ ԵՎ ՊԱՏԱՍԽԱՆԻՐ ՀԵՏԵՎՅԱԼ ՀԱՐՑԵՐԻՆ
Եղբայրը ի՞նչ էր նայում իր հեռախոսով, և դա ինչպե՞ս էր ազդել իր վրա։
Գաղատացիներ 6։7, 8 և Սաղմոս 119։37 համարները ինչպե՞ս օգնեցին եղբորը։