Երբեք չհանձնվենք

1. Այն, ինչ կարդում ենք Սուրբ Գրքում,

Հույսով է մեզ լցնում։

Այդ հույսը զորացնում է մեզ,

Օգնում լինել դիմացկուն։

Մտքում պահենք, որ օրն Աստծու

Մոտենում է սրընթաց։

Մինչև վերջ թող մնանք ամուր,

Լինենք Հորը նվիրված։

2. Ինչ փորձության էլ մենք բախվենք,

Երբեք չենք հանձնվի։

Աստծու հանդեպ ջերմ սերը մեր

Հավերժ կբոցավառվի։

Չարի ստեղծած ոչ մի արգելք

Չի կարող մեզ կանգնեցնել.

Մեզ Հայրը միշտ կտա մի ելք,

Կօգնի անկոտրում լինել։

3. Առաջ քայլենք վստահ սրտով,

Նայենք մրցանակին։

Անգամ թե ուժը մեր սպառվի,

Աստված կտա իր ոգին։

Եթե մինչև վերջ դիմանանք,

Մեզ Եհովան կփրկի,

Կյանքի գրքում անունը մեր

Ընդմիշտ նա կպահպանի։