Դիտում ենք աշխարհը
Մեքսիկական ծոց
Այն բանից հետո, երբ 2010թ. ապրիլին վթար տեղի ունեցավ նավթային պլատֆորմի վրա, մոտ երեք ամիս հսկայական քանակությամբ նավթ ու գազ թափվեց ծով։ Մի խումբ հետազոտողներ հայտնաբերեցին, որ դրանից երկուսուկես ամիս անց որոշ աղտոտող գործոններ անհետացել են։ Նրանք եզրակացրին, որ մեթանի համ ունեցող բակտերիաները խժռել են դրանք։ Սակայն որոշ մասնագետներ վատատես են։ Նրանք մտածում են, որ նավթի մեծ մասը օվկիանոսի հատակին է նստել։
Ռուսաստան
Ըստ մի հետազոտության՝ 18-ից 35 տարեկան ռուսների 59 տոկոսը կարծում է, որ «կյանքում հաջողության հասնելու համար երբեմն պետք է բարոյական սկզբունքներիդ ու չափանիշներիդ դեմ գնաս»,— նշում է «Ռոսիսկայա գազետան»։
Պերու
Գտնված ամենահին եգիպտացորենի կողրը (ցուցադրված է այստեղ) ցույց է տալիս, որ Պերուի հյուսիսային մասի բնակիչները ադիբուդի և եգիպտացորենի ալյուր պատրաստել են դեռևս 3000 տարի առաջ։
Իտալիա
Լուչո Սորավիտո դե Ֆրանչեսկին՝ Ադրիա-Ռովիգոյի կաթոլիկ եպիսկոպոսը, կարծում է, որ կրոնական պատգամը պետք է «մարդկանց հայտնել՝ անձամբ նրանց հետ խոսելով»։ Նա ասում է. «Մեր հովվական հոգատարությունը պետք է երևա եկեղեցու զանգերից մինչև մարդկանց դռների զանգերը»։
Հարավաֆրիկյան հանրապետություն
Սև շուկայում բժշկական նկատառումներով օգտագործվող ռնգեղջյուրի եղջյուրի գինը շատ է բարձրացել. մի կիլոգրամն արժե 65000 ամերիկյան դոլար։ 2011-ին Հարավաֆրիկյան Հանրապետությունում միայն, ըստ տեղեկագրության, 448 ռնգեղջյուր է սպանվել որսորդների կողմից։ Եվրոպայի թանգարանները և աուկցիոն տները թալանվել են բանդաների կողմից, որոնք եղջյուրների հետևից էին եկել։ Անգամ Եվրոպայի գազանանոցների ռնգեղջյուրներն են վտանգի տակ։