ՍԱՂՄՈՍ

128 Երանի՜ այն ամենուն՝ որոնք Տէրոջմէ կը վախնան

Ու անոր ճամբաներուն մէջ կը քալեն։

 2 Վասն զի քու ձեռքիդ աշխատութիւնը պիտի ուտես.

Երանի՜ է քեզի ու քեզի լաւ պիտի ըլլայ։

 3 Քու կինդ պտղաբեր որթատունկի մը պէս պիտի ըլլայ

Քու տունէդ ներս

Ու քու որդիներդ ձիթենիի տունկերու պէս պիտի ըլլան

Քու սեղանիդ չորս կողմը։

 4 Ահա Տէրոջմէն վախցող մարդը

Այսպէ՛ս պիտի օրհնուի։

 5 Տէրը քեզ Սիօնէն օրհնէ

Ու Երուսաղէմին բարութիւնը տեսնես

Քու կեանքիդ բոլոր օրերուն մէջ

 6 Եւ քու որդիներուդ որդիները տեսնես։

Խաղաղութիւն ըլլայ Իսրայէլի վրայ։