Երկրի վրայ կեանքը յաւիտեան վայելեցէ՛ք
Այս գրքոյկը տպուած է ձեզի օգնելու, որ գիտնաք թէ երկիրը եւ անոր վրայ գտնուող բոլոր բաները ո՛վ ստեղծեց։ Պիտի սորվիք թէ երկիրը շինող Աստուածը անուն մը ունի։ Այս գրքոյկին մէջ նաեւ պիտի բացատրենք թէ Աստուած ինչո՛ւ մարդը շինեց եւ թէ ի՛նչպէս երկրի վրայ կեանքը յաւիտեան կրնաք վայելել։
Կը յուսանք որ անոր բազմաթիւ պատկերները օգնեն ձեզի որ այս բաները աւելի լաւ կերպով մտապատկերացնէք։ Լաւագոյն օգուտը քաղելու համար, պատկերներուն մեծամասնութեան կողքին նշուած Աստուածաշունչի համարները պէտք է կարդաք։ Այս կերպով, անձամբ պիտի կարենաք կարդալ Աստուածաշունչին մէջ եղած Աստուծոյ հոյակապ կարգ մը խոստումները եւ թէ Աստուած ի՛նչ կ’ըսէ որ ընէք, այս խոստումներուն կատարումը ստանալու համար։
Թերեւս նաեւ ուզէք այս գրքոյկը գործածել ուրիշներուն օգնելու համար։ Եթէ զաւակներ ունիք, կրնաք զայն գործածել անոնց օգնելու համար որ Աստուծոյ մասին սորվին։ Եթէ կ’ապրիք երկրի մը մէջ ուր չափահասներէն շատեր կարդալ չեն գիտեր, կրնաք պատկերները գործածել, անոնց օգնելու համար որ Աստուծոյ նպատակները հասկնան, որպէսզի անոնք ալ իրենց կարգին իրենց դրացիներուն կարենան օգնել։
Անկեղծօրէն կը յուսանք որ այս տեղեկութիւնները ուսումնասիրելը ձեզի պատեհութիւն տայ որ բազմաթիւ օրհնութիւններ ստանաք, եւ նոյնիսկ ուրիշներու ցոյց տաք թէ ի՛նչպէս կրնան հո՛ս երկրի վրայ յաւիտեան ապրիլ։