Մենք կ’ուզենք օգնել ձեզի

Այս գրքոյկին նպատակն է ձեզի աւելի մօտէն ծանօթացնել Եհովայի Վկաներուն գործունէութիւնները, ինչպէս նաեւ Աստուածաշունչի ձեր գիտութիւնը աւելցնելու համար եղած կարգադրութիւնները։ Թերեւս Եհովայի Վկաներու այցելութիւնը ունեցած էք, կամ անոնց հետ խօսակցած էք փողոցը կամ այլուր։ Կրնայ ըլլալ որ ներկայիս Վկայ մը կ’ուսումնասիրէ ձեզի հետ։

Գիտէի՞ք որ Աստուծոյ Թագաւորութեան մասին անոնց պատգամը համայն աշխարհի մէջ կը ծանուցուի։ Ի՞նչ նպատակով։ Քանի որ Աստուած, մեր Ստեղծիչը, կ’ուզէ որ բոլոր ազգերէն մարդիկ իրար միանան զինք պաշտելու համար։ Մեր ժամանակին նկատմամբ, ան հետեւեալը նախագուշակեց. «Շատ ժողովուրդներ պիտի երթան ու ըսեն. ‘Եկէ՛ք, Եհովային լեռը, Յակոբին Աստուծոյն տունը ելլենք, որպէսզի մեզի իր ճամբաները սորվեցնէ ու անոր շաւիղներուն մէջ քալենք’»։—Եսայեայ 2։2, 3

Եհովայի Վկաներուն գործունէութիւնը, որ է՝ Աստուծոյ ճամբաներուն մասին խօսիլ ձեզի, այս մարգարէութեան կատարումն է։ Յաջորդ էջերը պիտի բացատրեն թէ այս գործունէութիւնը ի՛նչու կարեւոր է ներկայիս եւ դուք ի՛նչպէս կրնաք անկէ օգտուիլ։