Անիկա մատանիները դարձեալ իրենց մատներուն դարձուց

«ՄԱՏՆԵՐՈ՛ՒՍ նայէ։ Տարբեր բան մը կը տեսնե՞ս»։ Մարդ մը, իր ձեռքը Եհովայի Վկայ կնոջ մը ցոյց տուաւ, եւ ան անմիջապէս նկատեց թէ մարդուն ձեռքը ամուսնութեան մատանին չկար։ Մարդը բացատրեց թէ ա՛լ կարելի չէր իրարու հետ ապրիլ, ուստի որոշած էին ամուսնալուծուիլ։ «Ո՜հ, ո՜չ», բացագանչեց Վկան։ «Առէ՛ք այս գիրքը եւ զայն կարդացէք. շա՛տ օգտակար պիտի ըլլայ ձեր ամուսնութեան»։ Ասոր վրայ, Վկան անոր տուաւ Աստուածաշունչի վրայ հիմնուած գրքէն օրինակ մը, որու խորագիրն է՝ Գիտութիւնը որ Յաւիտենական Կեանքի կ’Առաջնորդէ։a

Քանի մը օր ետք, մարդը ուրախ տրամադրութեամբ Վկային քով վերադարձաւ։ Ան ցոյց տուաւ իր ձեռքը։ Այս անգամ իր ամուսնութեան մատանին դրած էր։ Անոր ըսաւ թէ ինք ու իր կինը Գիտութիւն գիրքը կարդացած էին եւ հիմա շատ ուրախ էին։ Այդ գիրքը բառացիօրէն մատանիները դարձեալ իրենց մատներուն դարձուցած էր։

Աստուածաշունչի խրատը կրնայ ամուսնացած ամոլներուն օգնել որ իրարու հանդէպ անկեղծ սէր ցուցաբերեն։ Ասիկա իրականութիւն մըն է, քանի որ Աստուածաշունչին հեղինակը ուրիշ մէկը չէ, եթէ ոչ մեր Ստեղծիչը, որ կ’ըսէ. «Ես եմ քու Տէր Աստուածդ, որ քեզի օգտակար եղածը կը սորվեցնեմ, քալելու ճամբուդ մէջ քեզի կ’առաջնորդեմ»։—Եսայեայ 48։17

[Ստորանիշ]