Հիւսիսային Ամերիկան Պիտի Հիւրընկալէ 1998–Ի Միջազգային Համաժողովները
Շաբաթ 5 Հոկտեմբեր 1996–ին, Դիտարանի Սուրբ Գրոց եւ Թերթիկի Ընկերութեան տարեկան ժողովին մէջ եղած ծանուցումին համաձայն, Կառավարիչ Մարմինը կը ծրագրէ միջազգային համաժողովներ կազմակերպել 1998–ի ընթացքին։ Նահանգային սովորական համաժողովներուն կողքին, քանի մը միջազգային համաժողովներ տեղի պիտի ունենան Հիւսիսային Ամերիկայի, ինչպէս նաեւ Ափրիկէի, Ասիոյ, Եւրոպայի, Լատին Ամերիկայի, Կարիպիան շրջանի եւ Հարաւային Խաղաղականի մէջ։
Այս մասնաւոր համաժողովներէն քանի մը հատը տեղի պիտի ունենան Հիւսիսային Ամերիկայի մէջ ու աշխարհի չորս կողմէն պատուիրակներ պիտի հրաւիրուին։ Նաեւ, կրնանք ակնկալել որ միսիոնարներ ալ ներկայ ըլլան այս միջազգային համաժողովներուն։ Պիտի հրաւիրուին Գաղաադու եւ Ծառաներու Մարզումի Դպրոցի շրջանաւարտներ, ինչպէս նաեւ, անոնք որոնք ծառայութեան մասնաւոր նշանակումներու հոգ կը տանին կարգ մը երկիրներու մէջ, ինչպէս Ափրիկէի, Ասիոյ, Լատին Ամերիկայի, Արեւելեան Եւրոպայի, Կարիպիան ու Խաղաղական կղզիներու մէջ։
Թուականներու, վայրերու, պատուիրակներու որակումներուն, օտար պատուիրակներու համար ըլլալիք կարգադրութիւններուն եւ ուրիշ մանրամասնութեանց նկատմամբ, հետագային յաւելեալ տեղեկութիւններ պիտի հայթայթուին։ Միացեալ Նահանգներէն սահմանափակ թիւով պատուիրակներ պատեհութիւնը պիտի ունենան ուրիշ երկիրներու մէջ տեղի ունեցող միջազգային համաժողովներուն ներկայ գտնուելու։ Այն հրատարակիչները որոնք ի մտի ունին դիմումնագիրներ ներկայացնել, որպէս պատուիրակներ ընտրուելու համար, թերեւս փափաքին խնայողութեան սկսիլ առ ի պատրաստութիւն այս մասնաւոր առիթներուն։