Ծանուցումներ

◼ Ներկայացուելիք հրատարակութիւններ Փետրուարին. Եհովայի մօտեցիր։ Եթէ այս գիրքը մատչելի չէ, կրնաք Աստուած պաշտեցէք գիրքը գործածել։ Մարտին. Աստուածաշունչը իրապէս ի՞նչ կը սորվեցնէ։ Մասնայատուկ ջանք թափեցէք Աստուածաշունչի ուսումնասիրութիւններ սկսելու։ Ապրիլին եւ Մայիսին. Դիտարան եւ Զարթի՛ր։ Երբ հետաքրքրուած անհատներու կը վերայցելէք, մէջը ըլլալով անոնք որ Յիշատակատօնին կամ աստուածպետական այլ առիթներու ներկայ գտնուած են, բայց ժողովքին հետ գործօն կերպով չեն ընկերակցիր, ջանացէք Աստուածաշունչը կը սորվեցնէ գիրքով Աստուածաշունչի ուսումնասիրութիւններ սկսիլ։

◼ Քարտուղարը եւ ծառայութեան տեսուչը վերաքաղ պէտք է ընեն բոլոր կանոնաւոր ռահվիրաներու գործունէութիւնը։ Եթէ ոեւէ մէկը ժամերու պահանջին գոհացում տալու դժուարութիւն ունի, երէցները պէտք է կարգադրեն որ աջակցութիւն տրուի անոր։ Թելադրութիւններու համար, աչքէ անցուցէք տարեկան նամակները (S-201)։

◼ 2007–ի Յիշատակատօնի շրջանին հանրային մասնաւոր դասախօսութեան բնաբանն է՝ «Այս տագնապալից աշխարհին մէջ կրնա՛ս ապահով զգալ»։ Տեսնել յարակից ծանուցումը, Հոկտեմբեր 2006–ի Մեր Թագաւորութեան ծառայութիւնը թերթիկին մէջ։