Ի՞նչ պիտի ընես արձակուրդներուն
Որովհետեւ շատեր տունը կը գտնուին կրօնական եւ ազգային տօներու ընթացքին, այս արձակուրդները յաճախ լաւ առիթներ են ծառայութեան մասնակցելու։ Ժողովքներուն քաջալերութիւն կը տրուի, որ մասնաւոր կարգադրութիւններ ընեն արձակուրդներուն վկայելու համար։ Եթէ թաղամասին մէջ շատեր առաւօտեան ուշ ժամերուն կ’արթննան, լաւ կ’ըլլայ որ դաշտի ծառայութեան ժողովին ժամը ըստ այնմ որոշուի։ Ծառայութեան ժողովին կարելի է ծանուցանել արձակուրդներուն վկայելու համար եղած մասնաւոր կարգադրութիւնները, քաջալերելով բոլոր անոնց, որոնք կրնան մասնակցիլ։ Վստահաբար, արձակուրդները մեզի ալ առիթ կու տան որ հանգստանանք կամ մեր անձնական բաներով զբաղինք, սակայն ինչո՞ւ օրուան մէջ ժամանակ չտրամադրենք ծառայութեան։ Այսպիսով պիտի վայելենք այն թարմութիւնը որ յառաջ կու գայ սուրբ ծառայութեան մասնակցելէն (Մատ. 11։29, 30)։