Դիտարանի ԱՌՑԱՆՑ ԳՐԱԴԱՐԱՆ
Դիտարանի
ԱՌՑԱՆՑ ԳՐԱԴԱՐԱՆ
Արեւմտահայերէն
  • ԱՍՏՈՒԱԾԱՇՈՒՆՉ
  • ՀՐԱՏԱՐԱԿՈՒԹԻՒՆՆԵՐ
  • ԺՈՂՈՎՆԵՐ
  • թծ 5/14 էջ 3
  • Հարցումի տուփ

Այս ընտրութեան համար վիտէօ չկայ։

Կը ներես. վիտէոն չ’աշխատիր։

  • Հարցումի տուփ
  • Մեր Թագաւորութեան ծառայութիւնը (2014)
  • Նոյնանման նիւթեր
  • Ընտանիքդ ինչպէ՞ս կրնայ ուրախ ըլլալ (Մաս 2)
    Կեանքը վայելէ յաւիտեա՛ն. Սուրբ Գիրքի դասընթացք
  • Ծնողնե՛ր, ձեր զաւակներուն օգնեցէք որ Եհովան սիրեն
    Դիտարան կը ծանուցանէ Եհովայի Թագաւորութիւնը (ուսումնասիրական) 2022
  • Հոգեւորապէս զօրաւոր ընտանիք մը կերտել
    Դիտարան կը ծանուցանէ Եհովայի Թագաւորութիւնը 2001
  • Մեր կայքը գործածէ՝ զաւակներուդ սորվեցնելու համար
    Մեր Թագաւորութեան ծառայութիւնը (2013)
Տես աւելին
Մեր Թագաւորութեան ծառայութիւնը (2014)
թծ 5/14 էջ 3

Հարցումի տուփ

◼ Հոգեւոր հասունութեան հասնելու համար, զաւակները ի՞նչ պէտք է սորվին։

Իրենց զաւակները «Տէրոջը վարժութիւնովն ու խրատովը» մեծցնելու համար, քրիստոնեայ ծնողներ շատ ջանք կը թափեն (Եփ. 6։4)։ Օրինակ, ծնողներ նշմարած են թէ օգտակար է ամէն առաւօտ իրենց զաւակներուն հետ օրուան համարը նկատի առնել։ Ընտանեկան պաշտամունքի եւ ա՛յլ առիթներու ընթացքին, ընտանիքներ թերեւս տեսաերիզ մը դիտեն եւ քննարկեն, Պատանիներ յօդուածաշարքէն մասնայատուկ նիւթերու մասին խօսին, աստուածաշնչական պատմութիւն մը խաղարկեն կամ փորձի նիստեր ընեն։ Բայց եւ այնպէս, որպէսզի զաւակները ‘շարունակեն ձգտիլ հասունութեան’, ծնողները պէտք է նաեւ անոնց Աստուածաշունչի խոր ճշմարտութիւնները սորվեցնեն (Եբ. 6։1, ՆԱ)։

Նկատի առ թէ թաղամասի մարդոց ի՛նչ կը սորվեցնենք։ Առաջին հանդիպումին կամ յաջորդ այցելութեան, ընդհանրապէս կը ջանանք Աստուածաշունչի ուսումնասիրութիւն մը սկսիլ, գործածելով՝ Աստուածաշունչը իրապէս ի՞նչ կը սորվեցնէ գիրքը։ Այս գիրքը ամբողջացնելէ ետք, կը գործածենք «Անձերնիդ Աստուծոյ սիրոյն մէջ պահեցէք» գիրքը։ Ինչո՞ւ։ Աստուածաշունչը կը սորվեցնէ գիրքը Սուրբ Գիրքին մասին աշակերտին հիմնական գիտութիւն կու տայ։ Իսկ «Աստուծոյ սէրը» գիրքը անոր կը սորվեցնէ, թէ ինչպէ՛ս կրնայ աստուածաշնչական սկզբունքներ կիրարկել իր առօրեայ կեանքին մէջ։ Երկու հրատարակութիւններն ալ նկատի առնելը նորեկներուն կ’օգնէ, որ Քրիստոսի մէջ ‘արմատ կապեն’ եւ «հաւատքին մէջ հաստատուած» ըլլան (Կող. 2։6, 7)։ Մեր զաւակներն ալ այս գիրքերէն չե՞ն օգտուիր։ Անոնք ալ պէտք է փրկանքին, Թագաւորութեան եւ մեռելներուն վիճակին մասին սորվին։ Հարկ է որ մեր զաւակները գիտնան թէ Աստուած ինչո՛ւ տառապանքը կը թոյլատրէ եւ ինչպէ՛ս կարելի է այս աշխարհին վերջին օրերը բնորոշել։ Պէտք է համոզուած ըլլան թէ Եհովայի վկաները ճշմարտութիւնը ունին։ Պատանիները պէտք է նաեւ հասկնան Աստուածաշունչի սկզբունքները ե՛ւ սորվին ինչպէս իրենց «զգայարանքները» մարզել (Եբ. 5։14)։ Անշուշտ, ծնողները պէտք է ի մտի ունենան իրենց զաւակներուն տարիքը եւ հասկացողութեան մակարդակը։ Բայց եւ այնպէս, բազմաթիւ զաւակներ կարողութիւն ունին Աստուածաշունչի խոր ճշմարտութիւններ սորվելու, նոյնիսկ երբ դեռ շատ փոքր են (Ղուկ. 2։42, 46, 47)։

Ծնողներուն օգնելու համար, Աստուածաշունչը կը սորվեցնէ գրքին վրայ հիմնուած ուսումնասիրութեան ցուցմունքներ մատչելի պիտի ըլլան մեր կայքին մէջ (jw.org)։ Ընտանիքներ կրնան զանոնք գտնել՝ բանալով BIBLE TEACHINGS > TEENAGERS հատուածը (անգլերէնով)։ Ապագային, պիտի պատրաստուին յաւելեալ ցուցմունքներ, որոնք հիմնուած պիտի ըլլան «Աստուծոյ սէրը» գրքին վրայ։ Անշուշտ, այս գիրքերուն տպուած օրինակներն ալ կրնան գործածուիլ։ Ծնողները կրնան որոշել թէ ե՛րբ պիտի գործածեն այս հրատարակութիւնները. Ընտանեկան պաշտամունքի ընթացքին, զաւակներէն մէկուն Աստուածաշունչի ուսումնասիրութիւնը վարելու ատեն կամ երբ զաւակը կը մարզեն, որ իր անձնական ուսումնասիրութիւնը ունենայ։

    Արեւմտահայերէն հրատարակութիւններ (1986-2025)
    Դուրս ելլել
    Մուտք գործել
    • Արեւմտահայերէն
    • բաժնել
    • Նախընտրութիւններ
    • Copyright © 2025 Watch Tower Bible and Tract Society of Pennsylvania
    • Օգտագործման պայմաններ
    • Գաղտնիութիւն
    • Գաղտնիութեան դասաւորումներ
    • JW.ORG
    • Մուտք գործել
    բաժնել