Ծանուցումներ

◼ Ներկայացուելիք հրատարակութիւններ՝ յունիս. Աստուածաշունչը իրապէս ի՞նչ կը սորվեցնէ գիրքը, կամ Կը փափաքի՞ս ճշմարտութիւնը գիտնալ թերթիկը։ Յուլիս եւ օգոստոս. Աստուծոյ կողմէ ուրախ լուրեր, Աստուծոյ մտիկ ըրէ, կամ Աստուծոյ մտիկ ըրէ եւ յաւիտեան պիտի ապրիս գրքոյկը։ Սեպտեմբեր. Դիտարան եւ Զարթի՛ր պարբերաթերթերը։

◼ Ամսուան վերջաւորութեան երբ դաշտի ծառայութեան տեղեկագիրդ կը լեցնես, բոլոր թերթիկները եւ հրաւիրագիրները որոնք անհատներու կու տաս կամ դրան առջեւ կը ձգես պէտք է տեղեկագրես «Գրքոյկներ եւ թերթիկներ» սիւնակին տակ։ Երբ անհատ մը հետաքրքրուի եւ հրատարակութիւն մը ընդունի, ջանք պէտք է թափես որ վերայցելես իր հետաքրքրութիւնը աւելցնելու համար։

◼ 19 հոկտեմբեր 2015–ով սկսող շաբաթը Աստուածաշունչի ժողովքային ուսումնասիրութեան ընթացքին պիտի ուսումնասիրենք Անոնց հաւատքը ընդօրինակենք գիրքը։ Այն ժողովքները, որոնք այս հրատարակութենէն յաւելեալ օրինակներու կարիքը ունին, պէտք է իրենց խնդրանքը ներկայացնեն երբ յաջորդ հրատարակութիւններու ապսպրանքը կ’ընեն։ Անոնք որոնք կը նախընտրեն ելեկտրոնային հրատարակութիւններ, պէտք է գիրքը բեռնեն jw.org կայքէն։