ԱՍՏՈՒԱԾԱՇՈՒՆՉԻՆ ՊԱՏԱՍԽԱՆՆԵՐԸ

Սատանան ուրկէ՞ եկաւ

Աստուած Սատանան չստեղծեց, հապա հրեշտակ մը, որ յետագային Սատանայ եղաւ, որ նաեւ ճանչցուած է որպէս Բանսարկու։ Յիսուս հասկցուց, թէ Սատանան ատեն մը ճշմարտախօս եւ անմեղ էր։ Ուստի Սատանան սկիզբը Աստուծոյ արդար հրեշտակային որդիներէն մէկն էր (կարդա՛ Յովհաննէս 8։44)։

Հրեշտակ մը ինչպէ՞ս կրնար Սատանայ դառնալ

Այն հրեշտակը որ Սատանայ դարձաւ, ընտրեց Աստուծոյ հակառակիլ եւ մարդկային առաջին զոյգը դրդեց որ իրեն միանան։ Այսպիսով՝ ան ինքզինք ըրաւ Սատանայ, որ կը նշանակէ «Հակառակորդ» եւ Բանսարկու, որ կը նշանակէ «Զրպարտիչ» (կարդա՛ Ծննդոց 3։1-5. Յայտնութիւն 12։9)։

Աստուծոյ միւս բոլոր մտացի արարածներուն պէս, Սատանայ դարձած հրեշտակը ճիշդը կամ սխալը ընելու ազատութիւնը ունէր, բայց իր ներսիդին զարգացուց պաշտուելու ցանկութիւն մը։ Ան աւելի կը տենչար փառք ստանալ քան Աստուած հաճեցնել (կարդա՛ Մատթէոս 4։8, 9. Յակոբոս 1։13, 14)։

Սատանան ինչպէ՞ս շարունակած է մարդոց ազդել։ Պէ՞տք է իրմէ վախնաս։ Կրնաս այս հարցումներուն պատասխանները գտնել Աստուածաշունչին մէջ։