Հարցումի տուփ
◼ Պատշա՞ճ է որ ժողովքներ կամ անհատներ գործածեն Եհովայի վկաներու օրինական հիմնարկներուն նշանները։
Նշանը անուն, խորհրդանիշ կամ մակնիշ մըն է, որուն նպատակն է՝ դիւրին ու յստակ բնորոշութիւն։ Դիտարանի նշանը կը ներկայացնէ «Փէնսիլվանիոյ դիտարանի, Սուրբ Գրոց եւ թերթիկի ընկերութիւն»ը եւ կազմակերպութեան կողմէ գործածուած միւս հիմնարկները։ «Եհովայի վկաներու քրիստոնէական ժողովքը» իր նամակագլուխին մէջ բաց Աստուածաշունչի նշանը կը դնէ։ Իսկ Եհովայի վկաներու այլ հիմնարկներ տարբեր նշաններ կը գործածեն։
Ժողովքներ կամ անհատներ պէտք չէ գործածեն կազմակերպութեան օրինական հաստատութիւններուն նշանները կամ անունները, կամ անոնց տարբերակները, Թագաւորութեան սրահներու վրայ, ցուցատախտակներու վրայ, նամակագլուխի մէջ, անձնական իրերու վրայ, եւ այլն։ Կազմակերպութեան նշանները այս կերպով գործածելը կրնայ շփոթութեան մատնել կառավարական պաշտօնեաներ, ժողովքի հրատարակիչներ եւ ուրիշներ, թէ ի՛նչ օրինական կապ կայ ժողովքին ու կազմակերպութեան օրինական հաստատութիւններուն միջեւ։ Նմանապէս, նամակները կրնան սխալ կերպով ցոյց տալ թէ գլխաւոր կեդրոնատեղիին կամ մասնաճիւղին կողմէ վաւերացուած կամ ուղարկուած են։
Դիտարանի նշանը, կամ անոր մէկ տարբերակը, պէտք չէ գործածուի Թագաւորութեան սրահներու ապագայ ծրագիրներուն մէջ, նոյնիսկ եթէ Թագաւորութեան սրահին սեփականատէրը Դիտարանի մէկ հաստատութիւնն է։ Այն ժողովքները, որոնց Թագաւորութեան սրահները նշաններ կը կրեն, անմիջապէս թող չփոխեն զանոնք, եթէ այսպիսի փոփոխութիւններ կը պահանջեն շատ ժամանակ, ջանք եւ ծախս։ Սակայն նշանը պէտք է փոխել, եթէ քիչ աշխատանքի կը կարօտի։ Այլապէս, փոփոխութիւնը կարելի է ընել, երբ կառոյցը կամ ցուցատախտակը պիտի նորոգուի։