Երեմիայի միջոցով Աստուծոյ խօսքը մեզի
1. 2010–ի նահանգային համաժողովի ընթացքին ո՞ր հրատարակութիւնը լոյս տեսաւ, եւ ինչպէ՞ս զայն պիտի գործածենք։
1 Որքա՜ն ոգեւորուեցանք երբ այս վերնագրով գիրք մը լոյս տեսաւ 2010–ի «Եհովային մօտիկ մնացէք» խորագրով նահանգային համաժողովին մէջ։ Այս հրատարակութիւնը կ’ընդգծէ Երեմիա եւ Ողբք գիրքերէն դասեր մեր առօրեայ կեանքին համար (Հռով. 15։4)։ Ծրագրուած ըլլալով Աստուածաշունչի ժողովքային ուսումնասիրութեան համար, ատիկա նկատի պիտի առնուի 2012–ի նոյեմբեր 5–ով սկսող շաբաթէն սկսեալ։
2. Աստուածաշունչի Երեմիա եւ Ողբք գիրքերը նկատի առնելով ինչո՞ւ կրնանք օգտուիլ։
2 Օգտակար՝ ներկայիս։ Երեմիան Յուդայի խռովալից մէկ ժամանակաշրջանին մարգարէացաւ։ Սկիզբը, ան զգաց թէ իր նշանակումին համար որակեալ չէր (Եր. 1։6)։ Ան նաեւ իր ծանօթներուն կողմէ եւ թերեւս իր քաղաքին՝ Անաթովթին՝ մէջ եղող ազգականներուն կողմէ հալածուեցաւ (Եր. 11։21, 22)։ Հասկնալիօրէն, Երեմիա ատեններ վհատեցաւ (Եր. 20։14)։ Մինչ ‘բոլոր ազգերէն մարդիկ աշակերտելու’ մեր յանձնարարութիւնը կը կատարենք, յաճախ Երեմիայի դիմագրաւած մարտահրաւէրները կը դիմագրաւենք եւ իրեն նման կը զգանք (Մատ. 28։19)։ Իր գրութիւնները նկատի առնելը մեզի պիտի օգնէ, որ մեր ծառայութիւնը վստահութեամբ եւ նախանձախնդրութեամբ կատարենք։
3. Երեմիա գրքին կարգ մը յատկանշական երեսակները ինչպէ՞ս պիտի գործածենք։
3 Յատկանշական երեսակներ։ Բանալի համարները, որոնք պէտք է կարդացուին քննարկութեան ընթացքին, շեղագիրով գրուած են։ Իւրաքանչիւր շաբթուան ուսումնասիրութեան վերջաւորութիւնը յատկանշուած է սեւատիպ մէկ կամ երկու իմաստալից հարցումներով, որոնք դասին գլխաւոր կէտերը կ’ընդգծեն։ Այս հարցումները պէտք է ներկաներուն ուղղուին առ ի վերաքաղ։ Գիրքը կը բովանդակէ գեղեցիկ պատկերներ, որոնց մասին ժողովքը անկասկած պիտի փափաքի մեկնաբանել։
4. Երեմիա գիրքէն ինչպէ՞ս կրնանք լիովին օգտուիլ։
4 Լիովին օգտուելու համար, նախապատրաստուէ՛։ Փնտռէ կէտեր, որոնք կրնաս կեանքիդ եւ ծառայութեանդ մէջ գործածել։ Մեկնաբանելու մէջ լիակատար բաժին բեր։ Եհովային օրհնութեամբ, Երեմիան իր նշանակումը ուրախութեամբ եւ գոհունակութեամբ կատարեց (Եր. 15։16)։ Թող այս նոր հրատարակութիւնը նկատի առնելը մեզի օգնէ, որ համանման կերպով մեր ծառայութիւնը կատարենք։