ՔՐԻՍՏՈՆԷԱՎԱՅԵԼ ԱՊՐԵԼԱԿԵՐՊ
Զաւակներուդ օգնէ որ Ստեղծիչին հանդէպ անխախտ հաւատք կերտեն
Ստեղծագործութիւնը Եհովային փառքը կը պատմէ (Սաղ. 19։1-4. 139։14)։ Բայց Սատանային աշխարհը յառաջ կը մղէ Աստուած անպատուող տեսութիւններ կեանքին ծագումին մասին (Հռով. 1։18-25)։ Ինչպէ՞ս կրնաս արգիլել այսպիսի գաղափարներ զաւակներուդ մտքին ու սրտին մէջ արմատ կապելէ։ Անոնց օգնէ որ իրենց կանուխ տարիքէն հաւատան որ Եհովան գոյութիւն ունի եւ անհատապէս իրենցմով հետաքրքրուած է (Բ. Կոր. 10։4, 5. Եփ. 6։16)։ Փորձէ գիտնալ որ ի՛նչ կը մտածեն դպրոցին մէջ իրենց սորված բաներուն մասին, եւ մեր շատ մը գործիքները գործածէ որ անոնց սրտին հասնիս (Առ. 20։5. Յակ. 1։19)։
ԴԻՏԷ ՏԱՐԵԿԻՑՆԵՐԴ Ի՛ՆՉ Կ’ԸՍԵՆ. ԱՍՏՈՒԾՈՅ ՀԱՒԱՏԱԼ ՏԵՍԱԵՐԻԶԸ ԵՒ ՅԵՏՈՅ ԱՅՍ ՀԱՐՑՈՒՄՆԵՐԸ ՆԿԱՏԻ ԱՌ.
Աստուծոյ գոյութեան շուրջ շատեր ի՞նչ կ’ըսեն։
Դպրոցիդ մէջ ի՞նչ կը սորվեցնեն։
Ի՞նչ բան քեզ կը համոզէ որ Եհովան գոյութիւն ունի։
Ինչպէ՞ս կրնաս օգնել մէկու մը, որ տեսնէ թէ Աստուած ամէն բան ստեղծեց։
Վերոնշեալները մատչելի են անգլերէնով, բացի Եհովան ամէն բան ստեղծեց տեսաերիզէն, որ արեւմտահայերէնով մատչելի է։