ՔՐԻՍՏՈՆԷԱՎԱՅԵԼ ԱՊՐԵԼԱԿԵՐՊ
Ո՛վ պատանիներ, Եհովան ձեր ամէնէն մտերիմ բարեկա՞մն է
Ձեր բարեկամին մէջ ի՞նչ յատկութիւններ կը փնտռէք։ Հաւանաբար՝ հաւատարմութիւն, ազնուութիւն եւ առատաձեռնութիւն։ Եհովան այդ բոլորը ունի (Ել. 34։6. Գործք 14։16)։ Ան քեզի մտիկ կ’ընէ երբ իրեն կ’աղօթես։ Քեզի կ’օգնէ երբ օգնութեան պէտք ունենաս (Սաղ. 18։19, 35)։ Քու մեղքերդ կը ներէ (Ա. Յովհ. 1։9)։ Եհովան ի՜նչ հիանալի բարեկամ մըն է։
Լաւ դո՛ւն ինչպէ՞ս կրնաս Եհովային բարեկամը ըլլալ։ Իրեն մասին սորվէ իր Խօսքը կարդալով։ Սիրտդ բաց Եհովային առջեւ (Սաղ. 62։8. 142։2)։ Ցոյց տուր որ կ’արժեւորես Եհովային համար կարեւոր եղող բաները, ինչպէս՝ իր Որդին, իր Թագաւորութիւնը եւ ապագային նկատմամբ իր խոստումները։ Ուրիշներուն պատմէ իր մասին (Բ. Օր. 32։3)։ Եթէ Եհովային հետ մտերիմ բարեկամութիւն զարգացնես, ան յաւիտեա՛ն քու Բարեկամդ պիտի ըլլայ (Սաղ. 73։25, 26, 28)։
ԴԻՏԷ Ո՛Վ ՊԱՏԱՆԻՆԵՐ, ՃԱՇԱԿԵՑԷ՛Ք ՈՒ ՏԵՍԷՔ ԹԷ ՏԷՐԸ ԲԱՐԻ Է ՎԻՏԷՈՆ, ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.
Ինչպէ՞ս կրնաս պատրաստուիլ Եհովային նուիրուելու եւ մկրտուելու։
Ժողովքին մէջ ուրիշներ ինչպէ՞ս կրնան քեզի օգնել Եհովային ծառայելու։
Ծառայութիւնը ինչպէ՞ս կրնայ զօրացնել Եհովային հետ փոխյարաբերութիւնդ։
Եհովային հետ բարեկամութիւնդ կրնայ յաւիտեան տեւել
Եհովային ծառայութեան մէջ ի՞նչ բաներ կրնաս ընել։
Եհովային մասին ի՞նչ կը սիրես։