ՔՐԻՍՏՈՆԷԱՎԱՅԵԼ ԱՊՐԵԼԱԿԵՐՊ
Ընտանիքիդ մէջ սիրով վարուէ
Սէրը խէժի պէս է, որ ընտանիքը իրար միացած կը պահէ։ Եթէ սէր չըլլայ, ընտանիքին համար դժուար կ’ըլլայ որ միացած մնան եւ իրարու հետ համագործակցին։ Ամուսինները, կիները եւ ծնողները ինչպէ՞ս կրնան սիրով վարուիլ ընտանիքին մէջ։
Սիրալիր ամուսին մը հաշուի կ’առնէ իր կնոջ պէտքերը, կարծիքները եւ զգացումները (Եփ. 5։28, 29)։ Ան թէ՛ ֆիզիքապէս եւ թէ հոգեւորապէս հոգ կը տանի իր ընտանիքին։ Օրինակ՝ կանոնաւոր կերպով ընտանեկան պաշտամունքը կ’ընէ (Ա. Տիմ. 5։8)։ Սիրալիր կին մը կ’ենթարկուի իր ամուսինին եւ խորապէս կը յարգէ զինք (Եփ. 5։22, 33. Ա. Պետ. 3։1-6)։ Կողակիցները պէտք է միշտ իրարու ներեն (Եփ. 4։32)։ Սիրալիր ծնողները իրենց ամէն մէկ զաւակով անձնապէս կը հետաքրքրուին եւ անոնց կը սորվեցնեն Եհովան սիրել (Բ. Օր. 6։6, 7. Եփ. 6։4)։ Արդեօք իրենց զաւակները ի՞նչ դժուարութիւններէ կ’անցնին դպրոցը։ Անոնք ի՞նչ կ’ընեն որ իրենց ընկերներուն ճնշումին տեղի չտան։ Երբ ընտանիքի անդամներուն միջեւ սէրը զօրաւոր կ’ըլլայ, բոլորը ապահով կը զգան։
ԴԻՏԷ ՁԵՐ ԸՆՏԱՆԵԿԱՆ ԿԵԱՆՔԷՆ ՆԵՐՍ ՑՈՒՑԱԲԵՐԵՑԷՔ ԱՅՆՊԻՍԻ ՍԷՐ՝ ՈՐ ԲՆԱ՛Ւ Չ’ԻՅՆԱՐ ՎԻՏԷՈՆ, ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.
Սիրալիր ամուսին մը ինչպէ՞ս կը սնուցանէ ու կը խնամէ իր կինը։
Սիրալիր կին մը ինչպէ՞ս կը ցուցնէ, որ խորապէս կը յարգէ իր ամուսինը։
Սիրալիր ծնողները ինչպէ՞ս Աստուծոյ Խօսքը կրկին անգամ կը սորվեցնեն իրենց զաւակներուն։