ԴԱՇՏԻ ԾԱՌԱՅՈՒԹԵԱՆ ՄԷՋ ԺՐԱՋԱՆ ԵՂԻՐ | ԾԱՌԱՅՈՒԹԵԱՆ ՄԷՋ ՈՒՐԱԽՈՒԹԻՒՆԴ ԱՒԵԼՑՈՒՐ
Աստուածաշունչի աշակերտներուդ սորվեցուր որ անձամբ հոգեւոր սնունդ առնեն
Որպէսզի մեր Աստուածաշունչի աշակերտները Եհովան աւելի ճանչնան եւ հոգեւորապէս հասուննան, չի բաւեր միայն գիտնան այն ճշմարտութիւնները, որոնք իրենց կը սորվեցնենք (Մատ. 5։3. Եբ. 5։12–6։2)։ Անոնք նաեւ պէտք է սորվին ինչպէ՛ս անձամբ հոգեւոր սնունդ առնել։
Աստուածաշունչի աշակերտներուդ սկիզբէն ցուցուր, որ ինչպէ՛ս կրնան իրենց ուսումնասիրութիւնը պատրաստել, եւ զանոնք քաջալերէ որ պատրաստեն (ժտ18.03 6)։ Զանոնք քաջալերէ որ աղօթեն ամէն անգամ որ անձնական ուսումնասիրութիւն պիտի ընեն։ Անոնց օգնէ որ գիտնան ինչպէ՛ս գործածել ելեկտրոնային գործիքները։ Անոնց բացատրէ որ ինչպէ՛ս կրնան գիտնալ որ նոր բան մը իջած է jw.org կայքին եւ JW Հեռատեսիլի կայանին մէջ։ Կամաց–կամաց անոնց սորվեցուր Սուրբ Գիրքը ամէն օր կարդալ, ժողովները պատրաստել եւ իրենց հարցումներուն պատասխանները փնտռտել։ Անոնց օգնէ որ իրենց սորվածներուն վրայ խոկան։
ԴԻՏԷ ՁԵՐ ԱՇԱԿԵՐՏՆԵՐՈՒՆ ՕԳՆԵՑԷՔ ՈՐ ԱՆՁԱՄԲ ՀՈԳԵՒՈՐ ՍՆՈՒՆԴ ԱՌՆԵՆ ՎԻՏԷՈՆ, ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.
Նիդան ինչպէ՞ս Ճէյտին օգնեց, որ տեսնէ թէ չի բաւեր միայն հարցումներուն պատասխանները գիտնալ։
Ի՞նչը Ճէյտին օգնեց որ համոզուի, թէ սեռային անբարոյութեան մասին Եհովային ըսածը ճիշդ է։
Աշակերտներուդ սորվեցուր ինչպէ՛ս կրնան կարեւոր տեղեկութիւններ սորվիլ եւ ատոնք իրենց սրտին հասցնել
Ճէյտը ի՞նչ հասկցաւ խոկալուն մասին։